Seshanba kuni tongda Shimoliy Koreya Yaponiya uzra raketa otib, bu mamlakat noroziligiga uchradi. Qo’shni Janubiy Koreya ham sinovni qoraladi. Yaponiyaga ko’ra, raketa uchga bo’linib, Tinch okeaniga quladi.
"Mamlakatimiz uzra amalga oshirilgan bunday mas’uliyatsiz harakat mintaqa tinchligi va xavfsizligi uchun misli ko’rilmagan, jiddiy tahdiddir”, - dedi Yaponiya Bosh vaziri Shinzo Abe.
Parvoz paytida Yaponiyaning aholini ogohlantirish sistemasi sun’iy yo’ldosh orqali harakatga kelgan.
AQSh va Janubiy Koreya Pxenyanning raketa sinoviga nisbatan javob choralari hozirlamoqda.
Janubiy Koreya rasmiylariga ko’ra, shimolga muloqot taklif etilganiga qaramay, Pxenyan provokatsiyaga qo’l urishga qaror qildi.
“AQSh va Janubiy Koreya tashqi ishlar vazirlari jazo choralariga kelishgach, hujjat BMT Xavfsizlik Kengashiga oshiriladi”, - deydi Janubiy Koreya prezidenti matbuot kotibi.
Yaponiya ham bu tashabbusga qo’shilishini ma’lum qildi.