Yevropa bo’ylab safarga chiqqan AQSh prezidenti Barak Obama bugun Varshavada Polsha rahbari Bronislav Komorovskiy bilan uchrashdi.
Obama Yevropadagi ittifoqchi davlatlar armiyalarining tayyorgarligini oshirish, amerikalik zobitlarni qit’aga safarbar qilish, Qora va Boltiq dengizlarida AQSh harbiy kemalarini ushlab turish uchun bir milliard dollar kerakligini aytmoqda.
Ikki prezident asosan Ukrainadagi vaziyat xususida gaplashgan. Unga qo’shni Polsha sharqdagi notinchlikdan xavotirda.
Obamaga ko’ra, agar Rossiya mojaroga barham berishga hissa qo’shmasa, unga qarshi iqtisodiy sanksiyalar kuchaytiriladi. Obama Rossiya rahbari Vladimir Putinni Ukrainada yangi saylangan prezident bilan uchrashishga chaqirdi. Uning o’zi Petro Poroshenko bilan chorshanba kuni Polshada uchrashmoqchi.
Polsha va Amerika prezidentlari NATO ning Yevropadagi salohiyatini oshirish xususida ham gaplashgan.
"Amerika xavfsiziligi ko’p jihatdan Markaziy va Sharqiy Yevropadagi ittifoqchilarimiz xavfsizligiga ham bog’liqdir", - dedi Obama.
AQSh prezidenti Polsha bosh vaziri Donald Tusk bilan ham uchrashib, Ukrainaning energetika sanoatini isloh qilish xususida gaplashdi.
Polshadan so’ng Obama Bryusselda va Fransiyada ham bo’ladi.
Obama Yevropadagi ittifoqchi davlatlar armiyalarining tayyorgarligini oshirish, amerikalik zobitlarni qit’aga safarbar qilish, Qora va Boltiq dengizlarida AQSh harbiy kemalarini ushlab turish uchun bir milliard dollar kerakligini aytmoqda.
Ikki prezident asosan Ukrainadagi vaziyat xususida gaplashgan. Unga qo’shni Polsha sharqdagi notinchlikdan xavotirda.
Obamaga ko’ra, agar Rossiya mojaroga barham berishga hissa qo’shmasa, unga qarshi iqtisodiy sanksiyalar kuchaytiriladi. Obama Rossiya rahbari Vladimir Putinni Ukrainada yangi saylangan prezident bilan uchrashishga chaqirdi. Uning o’zi Petro Poroshenko bilan chorshanba kuni Polshada uchrashmoqchi.
Polsha va Amerika prezidentlari NATO ning Yevropadagi salohiyatini oshirish xususida ham gaplashgan.
"Amerika xavfsiziligi ko’p jihatdan Markaziy va Sharqiy Yevropadagi ittifoqchilarimiz xavfsizligiga ham bog’liqdir", - dedi Obama.
AQSh prezidenti Polsha bosh vaziri Donald Tusk bilan ham uchrashib, Ukrainaning energetika sanoatini isloh qilish xususida gaplashdi.
Polshadan so’ng Obama Bryusselda va Fransiyada ham bo’ladi.
Prezident Obama Yevropada