NATO Sharqiy Yevropaga harbiy yordamni oshirar ekan, Rossiya ham chegara hududlarda qo’shinlarini ko’paytiradi. Mudofaa vaziri Sergey Shoygu bu haqda Moskvada o’tgan yig’ilishda so’zladi.
“NATO Rossiyaga chegaradosh hududlarda o’z kuchlarini joylashtirayotganiga javoban Mudofaa vazirligi qator chora-tadbirlar ko’rayapti”, - deydi Shoygu.
Yil oxiriga borib, Rossiyaning g’arbiy va janubiy sarhadlarida uch yangi harbiy diviziya barpo etiladi. Ayni paytda bazalarni qurish ishlari davom etmoqda, dedi mudofaa vaziri.
Sergey Shoygu qo’shin soni va ular aynan qayerda joylashishi haqida og’iz ochmadi. Rossiya matbuoti yil boshida 30 ming sonli batalyonlar tuzilishi haqida xabar bergan edi.
NATO alyansi Rossiyadan xavfsirayotgan a’zolarini himoya qilish maqsadida o’tgan yildan buyon yirik harbiy mashg’ulotlar o’tkazadi. Kreml ham javob choralari ko’rishini bildirmoqda.
Your browser doesn’t support HTML5
Bolqon qay yo'lni tanlaydi - G'arb yoki Rossiya?