Turkiya Prezidenti Rajab Toyib Erdog’anning aytishicha, agar Suriya Prezidenti Bashar Assad Suriya shimoli-g’arbidagi Idlib viloyatidan chekinmasa, Turkiya mahalliy aholini himoya qilish uchun hududga qo’shin kiritadi.
Erdog’an bu haqda hukmron “Adolat va taraqqiyot” partiyasi qonunchilari oldida so’zlagan. Uning aytishicha, Assad rejimini qo’llab-quvvatlayotgan Rossiya bilan muloqot Anqara kutgan natijani bermadi.
Turkiya Assadga qarshi kurashayotgan isyonchi va jihodchi kuchlarga madad berarkan, Idlibni xavfsiz zonaga aylantirish rejasida qat’iy.
“Turkiya Idlibni Assad rejimiga berib qo’ymaydi”, - dedi Erdog’an.
Rossiya prezidentining matbuot kotibi Dmitriy Peskovning aytishicha, Turkiya Idlibga qo’shin kiritsa, xato qilgan bo’ladi. Rossiya va Turkiya tashqi ishlar vazirlarining Moskvada ikki kun o’tgan muzokaralari samarasiz yakunlandi.
Xalqaro hamjamiyat Idlibda harbiy harakatlarni to’xtatishga chaqirmoqda. Mojaro natijasida Idlibni aholi tark etmoqda, qochqinlar lagerlari odamlarga to’lgan, natijada lagerdan joy topolmaganlar ochiq havoda tunashga majbur.