Suriya hukumati hayit munosabati bilan otishmani dushanbaga qadar bas qilishga rozi. Lekin isyonchilar o’t ochsa, javob qaytaramiz, deydi harbiylar.
Your browser doesn’t support HTML5
Kundalik Eshittirish, 25-oktabr, 2012-yil
Iyd al-Adha ayyomi juma boshlanadi. BMT va Arab Ligasi elchisi Laxdar Braximiy bir necha kunlik tanaffus haqiqiy, mustahkam sulhga aylanadi degan umidda.
Qo’zg’olonchilar ham kelishuvga amal qilishini, lekin armiya qurolni qo’llasa, javob qaytarishini bildirmoqda.
Braximiyning BMT Xavfsizlik Kengashiga aytishicha, urushga oson yechim yo’q.
Suriya 19 oydan beri qo’zg’olon va olishuvlar changalida va Braximiy nazarida urush qo’shni davlatlarni domiga tortishi mumkin.
Muxolifat deydiki, bugun Damashq tevaragida otishmalar quloqqa chalingan.
Dar’o viloyatida isyonchilar va armiya o’rtasida janglar kuzatilgan.
BMT inson huquqlari rasmiylari prezident Bashar al-Assad bilan ko’rishib, mamlakatda ixtilof boshidan beri sodir etilgan huquqiy jinoyatlar haqida gaplashib olish niyatida.
