Turkiyada parlament saylovlaridan ikki oy o'tgach ham hukumat shakllanmagach, Prezident Rajab Toyib Erdog'an yangi saylovlar o'tkazishni buyurdi. Koalitsion hukumat tuzish yuzasidan kelishuv yo'q.
Saylov komissiyasi raisi Sadi Guvenning aytishicha, saylovlar 1-noyabr kuni o'tkaziladi.
Bugun Erdog'an Bosh vazir Ahmat Dovuto'g'li bilan uchrashib, undan yangi saylovlargacha muvaqqat hukumatni boshqarishni so'radi.
Erdog'anning "Adolat va taraqqiyot" partiyasi 7-iyun saylovlarida qoniqarsiz qatnashib, parlamentda ko'pchilik o'rinlarni 2002-yildan beri ilk bor boy berdi.
Tanqidchilarga ko'ra, Erdog'an koalitsiya tuzish harakatlariga ataylab halaqit berib, yangi saylovlarda partiyasining ko'pchilik o'rinlarni qo'lga kiritishiga umid qilmoqda.