Ukraina parlamenti sharqdagi Donetsk va Lugansk viloyatlarining bir qismiga kattaroq vakolat berishga qaratilgan qonun loyihasini ma'qulladi.
Prezident Petro Poroshenko tomonidan parlamentga kiritilgan qonun fevral oyida Minskda imzolangan bitim bilan hamohang ekani aytilmoqda.
Bu viloyatlarning bir qismida ayirmachi kuchlar o'z hokimiyatini o'rnatib, Ukraina armiyasi bilan bir necha oydan beri kurashmoqda.
AQSh davlat kotibining yordamchisi Viktoriya Nuland Kiyevda bo'lib, konstitutsion o'zgarishga harakatni o'tgan yil aprelidan beri 6500 odamning yostig'ini quritgan mojaroga botgan mamlakat uchun ijobiy hol, dedi.
Bo'lginchi kuchlar Donbassga maxsus maqom berilishini talab qilib keladi.