Atrofda bayram kayfiyati. Yangi yilga tayyorgarlik. Jimjimador rangli chiroqlar xonadon, daraxtlar va mahallalarni bezaydi. Virjiniya shtatidamiz.
Your browser doesn’t support HTML5
Bayram mavsumidagi Chiroqlar paradi
Rojdestvoga yaqin qoldi. Qayiqlar gala-gala mehmonlarni kutib olishga tayyorgarlik ko’rmoqda.
Potomak daryosida qayiq suzish boshlanibdiki, har yili bayram mavsumida Chiroqlar paradi o’tadi.
Mavsumiy qayiqchilarning kelib-ketishi 20 yildirki an’anaga aylangan. Qahratonda ham ular paradga chiqishni kanda qilmaydi.
Sehrli oqshomlardan biri, havo ochiq, harorat noldan yuqori.
“Qayiqqa chiqqanlar o’yin-kulguni, dengizga chiqishni, umuman qayiqda bayram qilishni yoqtirishadi”
Yuzlab tomoshabin tantanalarni sohildan yoki qirg’oqdagi restoranlardan turib kuzatishadi.
“O’zimiz ham shu maqsadda tashqariga chiroqlar qo’yib uyimizni yasatamiz, bayram nafasini ulashishni istaymiz”, - deydi Ralf Vallas, paradga kelganlardan biri.
“Hammasi tekin. Suv bo’yiga kelib maroq bilan yasatilgan qayiqlarni tomosha qilish mumkin. Bir tiyin to’lamaysiz. Bolalar ham taassurotlarini uzoq eslab yurishadi”, - deydi Bill Gard.
Keyt Xarmon - qayiqchi. U o’n yillardan beri shu paradni tomosha qiladi. Bu gal u birinchi marta o’z qayig’i bilan paradda qatnashadi.
“Bayramlar mavsumi zavqlanadigan, Rojdestvo ruhiyati, hayotni kuylaydigan payt. Tomosha qilish boshqa, tomoshalarda ishtirok etish boshqa”, - deydi Keyt.
Vaqt o’tishi bilan Rojdestvoni qanday nishonlash o’zgarib bormoqda.
“Bayramingiz bilan! Amerikaliklar, butun dunyodagilarga bayramingiz qutlug’ bo’lsin deymiz. Boringizga shukr. Bayram hammamiz uchun”, - deydi Ralf Vallas.
Potomak daryosidagi bayram qayiqlari har yili dekabrning birinchi shanbasida o’z mavsumini boshlaydi. Hali borib ulgurmaganlar uchun ayni muddao.