Pokiston bosh vaziri Navoz Sharif bugun Oq uyda prezident Barak Obama bilan ko’rishib, Vashington-Islomobod aloqalarida yangi sahifa ochish haqida fikrlashdi.
Obama ma’muriyati murosa tariqasida Pokistonga atalgan, biroq avvalroq muzlatilgan 300 million dollar yordamni egasiga topshirishga rozi. Bu pul, asosan, harbiy maqsadlarni ko'zlaydi.
2011-yilda AQSh maxsus kuchlari Pokistonda reyd o’tkazib, Osama bin Ladenni o’ldirgani va o’tgan yili afg’on chegarasida AQSh havo hujumida pokistonlik o’nlab zobitlar o’lgani ketidan ikki davlat orasi g’oyat sovuqlashgan. O'sha vaqtlar chamasi Islomobod Afg'onistonga yetaklovchi NATO yuk ta'minoti yo'lini ham to'sib qo'ydi. Qattiq bahsdan keyin yo'llar qayta ochildi.
“Shubhalarni ortda qoldirib, o’rtadagi ishonchni tiklashni o’z oldimga maqsad qilib qo’ydim”, - deydi Navoz Sharif kecha AQShdagi Tinchlik Institutida so’zlar ekan.
U, shuningdek, Amerikadan pilotsiz samolyotlar hujumlarini bas qilishni so'rayapti. Pokistonning qabilaviy hududlarida amalga oshirilayotgan bu havo reydlari terrorchilarga qarshi eng samarali usul, deydi AQSh rasmiylari.
Xalqaro inson huquqlari tashkilotlari nazarida esa Qo'shma Shtatlar dron hujumlari paytida tinch aholi orasida qon to'kib, xalqaro qonunlarni buzmoqda. Navoz Sharif hukumat tepasiga aynan dron hujumlariga chek qo'yish va'dasi ortidan saylangani sir emas.
Pokiston o’z iqtisodiy va energetik ehtiyojlarini qondirishda Amerikaning qo’llab-quvvatloviga muhtoj.
Qo’shma Shtatlar esa Afg’onistonda tinchlik va barqarorlikni ta’minlashda Pokiston yordamiga suyanadi.
Obama ma’muriyati murosa tariqasida Pokistonga atalgan, biroq avvalroq muzlatilgan 300 million dollar yordamni egasiga topshirishga rozi. Bu pul, asosan, harbiy maqsadlarni ko'zlaydi.
2011-yilda AQSh maxsus kuchlari Pokistonda reyd o’tkazib, Osama bin Ladenni o’ldirgani va o’tgan yili afg’on chegarasida AQSh havo hujumida pokistonlik o’nlab zobitlar o’lgani ketidan ikki davlat orasi g’oyat sovuqlashgan. O'sha vaqtlar chamasi Islomobod Afg'onistonga yetaklovchi NATO yuk ta'minoti yo'lini ham to'sib qo'ydi. Qattiq bahsdan keyin yo'llar qayta ochildi.
“Shubhalarni ortda qoldirib, o’rtadagi ishonchni tiklashni o’z oldimga maqsad qilib qo’ydim”, - deydi Navoz Sharif kecha AQShdagi Tinchlik Institutida so’zlar ekan.
U, shuningdek, Amerikadan pilotsiz samolyotlar hujumlarini bas qilishni so'rayapti. Pokistonning qabilaviy hududlarida amalga oshirilayotgan bu havo reydlari terrorchilarga qarshi eng samarali usul, deydi AQSh rasmiylari.
Xalqaro inson huquqlari tashkilotlari nazarida esa Qo'shma Shtatlar dron hujumlari paytida tinch aholi orasida qon to'kib, xalqaro qonunlarni buzmoqda. Navoz Sharif hukumat tepasiga aynan dron hujumlariga chek qo'yish va'dasi ortidan saylangani sir emas.
Pokiston o’z iqtisodiy va energetik ehtiyojlarini qondirishda Amerikaning qo’llab-quvvatloviga muhtoj.
Qo’shma Shtatlar esa Afg’onistonda tinchlik va barqarorlikni ta’minlashda Pokiston yordamiga suyanadi.