Suriyada yana 18 namoyishchi o'ldirilgan

  • Amerika Ovozi

Suriyada yana 18 namoyishchi o'ldirilgan

Suriyada yana 18 namoyishchi o'ldirilgan

Birlashgan Millatlar Tashkiloti Inson Huquqlari Kengashi Suriya hukumatini o’z xalqiga qarshi mislsiz vahshiyliklarda ayblamoqda. Ularni tergov qilish uchun maxsus vakil tayinlanadi.

Bugun bu mamlakat bo’ylab namoyishchilar nishonga olinib, yana 18 kishi o’ldirilgan. Idlib shahrida xavfsizlik kuchlari va armiyada xizmat qilishdan bosh tortgan yoshlar to’qnashgan.

Xavfsizlik organlari tomonidan qiynoqqa solingan bolalardan biri

Xavfsizlik organlari tomonidan qiynoqqa solingan bolalardan biri

Qozg’olon shu yilning mart oyida boshlangan bo’lsa, bugungacha 4000 dan oshiq odam halok bo’ldi. Bolalar ular orasida yuzlab sonni tashkil etadi.

22 davlat a’zo Arab Ligasi bu davlatga qarshi sanksiyalar qo’yib, prezident Bashar al-Assadni zo’ravonlik yo’lidan qaytishga undamoqda.

Prezident Bashar al-Assad

Prezident Bashar al-Assad

Lekin Assadning hozirgacha bergan javobi shuki, xavfsizlik organlari qonunni buzgan fuqarolarni nishonga olmoqda. Qozg’olonchilar, deydi u, terroristlar va davlat ularga nisbatan keskin choralar ko’rishga majbur.

Xalqaro hamjamiyat esa Suriyada hukumat yangilanishi, Bashar al-Assad prezidentlikdan ketishi kerak degan fikrda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG