Breaking News

AQSh: Gumanitar sohada liderlikni davom ettiramiz


Xalqaro taraqqiyot bo'yicha AQSh agentligi binosi

AQSh insonparvarlik yordamlarini ko'rsatishga dunyodagi yetakchilik rolini saqlab qoladi. Bu haqda AQSh Davlat kotibi o'rinbosari Jon Sallivan gapirdi.

"Insonparvarlik yordamining ahamiyatini va zaruratini yaxshi tushunamiz. Urushdan, tabiiy ofatdan yoki hukumatning o'z ishini yaxshi bajara olmasligi natijasida aziyat chekkanlarga ko'mak ko'rsatish orqali biz kelajak avlodlarga farovonroq va tinchroq dunyoni yaratish imkoniyatini asrab qolamiz", - dedi u.

AQSh insonparvarlik yordami ko'rsatishda dunyoning eng katta donor mamlakati hisoblanadi. 2017-yilda jahon bo'ylab 8 milliard dollardan ziyod qiymatdagi ko'mak ko'rsatilgan.

Gumanitar yordamga ehtiyoj esa borgan sari oshib bormoqda. 10 yil oldin bu kabi yordamlarning 80 foizi tabiiy ofatdan aziyat chekkanlarga berilgan bo'lsa, hozir bu turdagi ko'mak jami yordamning 20 foizini tashkil etadi, xolos. 80 foizi odamlar qo'li bilan yuzaga kelgan ofat jabrdiydalariga berilmoqda. Liviya, Suriya, Iroq va Yaman kabi davlatlardagi fuqarolik urushlari, terror xurujlari millionlab insonlar hayotini parokanda qildi.

AQSh Davlat kotibi yordamchisi Jon Sallivan
AQSh Davlat kotibi yordamchisi Jon Sallivan

Shunisi aniqki, deydi AQSh rasmiysi, bu muammolarni bir davlat yoki tashkilotning yolg'iz o'zi hal qila olmaydi.

"Gumanitar yetakchilikni davom ettirar ekanmiz, o'zaro uyushgan, samarali xalqaro choralarning ahamiyatiga e'tibor qaratishni ham davom ettiramiz. Boshqa hukumatlar, xususiy sektor vakillari ham insonparvarlik ishlariga hissa qo'shishi lozim", - deydi Sallivan.

"Bir necha davlat va guruhlarning moliyaviy ko'makni oshirishi yordamga muhtoj ko'plab odamlarga chiqa olishimiz uchun, dunyo bo'ylab mintaqaviy barqarorlikka erishishimiz uchun muhim", - deya qo'shimcha qildi AQSh rasmiysi.

Diplomat nazarida, gumanitar inqirozlarni hal qilish uchun diplomatik yechim topish muhim. Buning uchun esa xalqaro hamjamiyat o'zaro hamkorlikda ishlashi kerak, deydi u.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG