Breaking News

AQShda muslimalar modasi rivojlanmoqda


Nyu-York moda sahnalarida
Nyu-York moda sahnalarida

Nima xohlasang kiy, deyishadi Amerikada. Bu - insonning uzviy huquqi, deb qaraladi. Ko’plab amerikaliklar kiyinish erkinligining qadrini bilmaydi, degan gaplarni ham eshitamiz. Boshqa tomondan esa kimdir o’zgacha tarzda kiyinsa, masalan, yopinchiqda yurgan ayolni ko’rsa, odamlar unga ezilgan, erkinlikdan mahrum bir inson deb qarashi ham mumkin. Muslimalar modasi dunyo bo’ylab qanot yozar ekan, Amerikada ham katta do’konlar va savdo tizimlari aynan taqvodor musulmon xotin-qizlar uchun kiyim-kechak taklif qila boshlagan. Liza Vogl – ijodkor.

Kelib chiqishi germaniyalik katoliklarga borib taqaladi. Michigan shtatida ulg’aygan.

“Maktabimda ikki musulmon bor edi xolos”.

Lisa fotograflik sohasida ishlab, islomga qiziqib qolgan.

Keyinchalik bu e’tiqodga kirdi. Ko’rinishini o’zgartirdi. Lekin kiyim topishga qiynaldi.

“Hijob kiygan xotin-qizlar uchun do’konlar yo’q edi oldin”.

Liza o’zi bu borada biznes ochdi - Verona kolleksiyasini.

Hijobli ayollar uchun xizmat qiladi. Bu yangi bir bozor, deydi Liza. Florida shtatida do’kon ochdi.

Indoneziya moda sahnalarida
Indoneziya moda sahnalarida

Butik keyinchalik katta bir salon va korxonaga aylandi.

Verona kolleksiyasini hozirda Amerikadagi eng yirik savdo tizimlaridan biri “Macy’s” sotmoqda.Menga o’xshab kiyinadigan xotin-qizlar ko’p ekanini tan olishdi. “Macy’s” yangi xaridorlar topdi”, - deydi Liza.

Lekin bunday kiyim-kechaklarga qarshilar ko’pligi ham ayon bo’ldi, aynan musulmonlar orasida. Eron va Suriyada boshini o’ramagan yoki butunlay yopinchiqda yurmaganlar jazolanadi. Ular yoqilgan, qatl etilgan hollar bor.

“Macy’s” ayollarni azoblovchi kiyimlarni sotmoqda, deya ijtimoiy tarmoqlarda tanqid va qoralash avj oldi.

Liza Vogl fikricha esa ayol tanlash huquqiga ega. Xotin-qizlar o’zi bilganidek, xohlaganidek kiyinsin.

“Qaysi davlatda nima bo’layotgani nega mening qanday kiyinishimga ta’sir qilishi kerak? Bu - erkin bozor”.

Nyu-York moda sahnalarida
Nyu-York moda sahnalarida

“Macy’s” Verona kolleksiyasini taklif qilishda davom etmoqda. Internetda savdo qizg’in. Islomiy kiyim-kechak savdosi dunyo bo’ylab 250 milliard dollarlik biznes.

Eronlik ayollar orasida norozilik kuchli.

Faollardan biri Parvona Husayniy:

“Hijob ko’plab jamiyatlarda nimani anglatishiga “Macy’s kabi bizneslar loqayd”.

Parvona singari ayollar fikricha hijob millionlab xotin-qizlar uchun zulm va uqubat timsoli. Unga qarshi kurashish kerak, deydi eronlik ayol.

“Macy’s” savdo tizimi, dizayner Liza Vogl va boshqalar esa kiyinish bobida keng erkinlik tarafdori. Xotin-qizlar shunday kiyinmoqchi bo’lsa, liboslar bor, deydi ular.

Muslimalar modasi kun sayin kengaymoqda
Muslimalar modasi kun sayin kengaymoqda

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG