Breaking News

Ukraina Rossiya erkaklarini mamlakatga kiritmaydi


Ukraina harbiysi. 29-noyab, 2018-yil.

Ukraina rasmiylari 30 noyabr sanasida Rossiya erkaklarining aksariyatiga mamlakatga kirish taqiqlanganini e’lon qildi. Mazkur chora shundoq ham tang holatda bo’lgan nizolarga javoban joriy qilingan. Shu kunning o’zida rus pravoslav ibodatxonasi nufuzli ruhoniysining uyi ham tintuv qilindi.

Ukraina parlamenti 26-noyabr kuni prezidentning mamlakatda 30 kunlik harbiy holat e’lon qilish to’g’risidagi taklifini qabul qilgan edi.

Ukraina chegara xavfsizligi xizmati rahbari Pyotr Sigikalning 30-noyabr kuni xavfsizlik bo’yicha o’tkazilgan yig’ilishda ma’lum qilishicha, harbiy holat kuchini yo’qotgunga qadar 16 yoshdan 60 yoshgacha bo’lgan rossiyalik erkaklarning mamlakat hududiga kirishi to’xtatiladi.

Prezident Pyotr Poroshenkoning aytishicha, mazkur qaror “Rossiya Federatsiyasining Ukraina hududida xususiy armiya tuzib olish xavfidan himoyalanish maqsadida” qabul qilingan.

Ayni damda, Ukraina razvedka xizmati rus pravoslav ibodatxonasi bosh ruhoniysi uyini tintuv qilayotganini e’lon qildi.

Ukrainaning ma’naviy markazi sanaladigan Pecherskiy monastiri Rossiya pravoslav ibodatxonasi qaramog’ida faoliyat yuritadi.

Hozirgi kunda Ukrainada uchta pravoslav jamiyati mavjud. Ulardan ikkitasining ibodatxonalari Rossiya ibodatxonasidan ajralib chiqqan. Ukraina hukumati rus ruhoniylaridan separatistlarni qo’llab-quvvatlashda gumon qilmoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG