Breaking News

Mirziyoyev O'zbekiston xalqiga: Islohotlarning qiyin pallasi boshlanmoqda


Mirziyoyevni Amerikada ham tomosha qilishdi. O'zbekiston rahbarining yillik murojaati siyosiy an'anaga aylanib bormoqda. O'tgan yilgisi to'rt soatdan oshiq davom etgan edi. Bunisi qisqaroq bo'ldi.

2019-yil O’zbekistonda Faol investitsiya va ijtimoiy rivojlanish yili bo’ladi. Prezident Shavkat Mirziyoyevning Oliy Majlisdagi nutqini Vashingtondan kuzatdik, O’zbekiston elchixonasida, vatandoshlar bilan. Murojaat dunyoning bu tarafi vaqti bilan yarim tunda, 12:00 da boshlandi.

Nima eshitdik?

Murojaatning katta qismi iqtisodiy islohotlar xususida bo'ldi.

O'zbekiston rahbari deydiki, mamlakat xalqining hozirgidan yaxshiroq yashashga haqqi bor lekin tuzum buning uchun sharoit yaratishga ojizlik qildi. Islohotlar, deya qayd etdi u, farovon hayot uchun zamin yaratishi kerak.

Prezident nutqida qora bozor ham tilga olindi. Soyadagi, norasmiy iqtisodni yo'q qilib, real iqtisodiyotni taraqqiy ettirish xususida gapirdi. Mirziyoyev mulkka egalik huquqini kengaytirishga ham to'xtaldi.

Soliq to'lash milliy madaniyatning bir qismi bo'lishi kerak, dedi davlat rahbari, bu borada yangi qarorlarga ishora qilib. Adolatli tizimda hech kim soliqdan qochmasligi kerak, dedi u.
Sog’liqni saqlash va xavfsizlikni ta'minlash - asosiy vazifalar, deydi prezident. Mirziyoyevga ko’ra, iqtisod va moliya sektori erkinlashaveradi. Yangi yilda O’zbekiston havo yo’llari tubdan isloh qilinadi. Qishloq xo’jaligi, irrigatsiya va urbanizatsiya bobida yangiliklar kuting. Ko’p narsa xorijdan qancha sarmoya kelishiga bog’liq. Yer sotiladi. Davlat sanoat obyektlarini ham sotishga tayyor. Oliy ta’limga e’tibor oshadi. Universitetlar qancha talaba qabul qilishni o’zi hal etishi kerak. Yoshlarga va xotin-qizlarga imkoniyatlarni kengaytirish-ustuvor vazifa, deydi Mirziyoyev. Minimal maosh masalasi qayta ko’rib chiqiladi. Ishlayotgan pensioner to’liq maosh va to’liq nafaqa oladi.

Islohotlarga ishonish kerak, bu degani harakat qilish kerak, deydi prezident. O’zgarish qilish odamlarga bog’liq.

Parlamentning nazorat qilish kuchini oshirish kerak. Kim vazir bo’lishini qonunchilar ko’rib chiqsin. Prezident ko’plab vakolatlaridan voz kechishga tayyor, xususan, yuqori lavozimlarga kimni tayinlash va sudyalarni tanlash. Siyosiy islohotlar kengayadi, deydi prezident.

O'zbekistonning Vashingtondagi elchixonasi
O'zbekistonning Vashingtondagi elchixonasi

Elchixonalarning asosiy vazifalaridan biri: sarmoya jalb etish. Bu borada yangicha reja zarur, deydi Mirziyoyev.

Prezident huzurida ekspertlar kengashi tuziladi. Unga xorijdan yetakchi mutaxassislar va ilm-fan namoyandalari taklif etiladi. Vazirlar Mahkamasi ixchamlashadi. Viloyat va tuman boshqaruvida islohotlar bo’ladi.

Sudyalar mustaqilligini ta’minlash zarur. Qonun ustuvorligiga usiz erishib bo’lmaydi. Prezident ularni tanlamasligi kerak. Maxsus organ, sudyalar kengashi buni belgilashi kerak. Prokuratura va ichki ishlar tizimida islohotlar chuqurlashadi. Jinoyatni jilovlash shart, deydi Mirziyoyev. Kodekslarni qayta ko’rib chiqish kerak.

O’zbekiston harbiy kompleksni rivojlantirishga bel bog’lagan. Barqarorlikni saqlash uchun chiniqqan kuch va ilg’or texnologiya zarur.

Ekologik fojia bo’lmish Orol dengizidagi vaziyatga nisbatan chora ko’rish va bu hudud aholisiga g’amxo’rlik qilish - davlat zimmasida, deydi Mirziyoyev. Xalqaro hamjamiyat e’tibori yaxshi, lekin bu avvalo O’zbekiston muammosi. Mamlakat bu masala bilan jiddiy shug’ullanishi kerak.

Tashqi siyosatda Markaziy Osiyo va Afg’oniston birinchi o’rinda. O’zbekiston AQSh, Xitoy, Rossiya singari yirik davlatlar, qolaversa butun dunyo, xalqaro hamjamiyat bilan yaqindan ishlaydi, deydi prezident.

Nima eshitmadik

Demokratik islohotlar haqida ko'p gapirilmadi. Prezident so'z va matbuot erkinligi, siyosiy erkinliklar xususida deyarli to'xtalmadi. Oshkora va shaffof tuzum bo'lish uchun muxolifat zarurligi haqida so'zlamadi, vaholanki, islohotlar O'zbekistondagi avtoritar sistemani qanchalik o'zgartirishi mumkin degan savol xalqaro maydonda tez-tez yangrab turadi. O'zbekistondagi ochilish nimaga yetaklaydi? Prezidentlikning uchinchi yilini boshlar ekan, Mirziyoyev shu borada ham so'z ochar va ochishi kerak, deya kutayotganlar bor.

7-dekabr kuni qilgan nutqida, Konstitutsiya kuni munosabati bilan o'tgan tadbirda, prezident matbuot va jurnalistlar roli haqida to'xtalib, ommaviy axborot vositalari va ularning xodimlarini dadil bo'lishga, tanqidiy materiallarni ko'paytirishga undagan edi.

O'shanda Mirziyoyev diniy erkinlik haqida ham gapirgan. Tuzum oldin xavfsiragan odamlar endi erkin, deya qayd etgan edi. Minglab fuqarolarning qora ro'yxatlardan chiqarilishi erkinlik tomon katta qadam sifatida talqin qilinadi. Inson huquqlari tashkilotlari nazaria bu jarayon jadallashishi lozim. Tuzum bilan yaqindan tanish mutaxassislar esa shoshmay ish ko'rish kerak va shunday qilinmoqda, deya eslatadi.

Toshkent viloyatining Parkent shahridan siyosiy faol Ruhiddin Komilov esa hozircha O'zbekiston bunga tayyor emas deganlarga "Amerika Ovozi" bilan suhbatda javob berib, muxolifatsiz O'zbekistondagi bugungi siyosiy irodani saqlab qolish mumkin emas, dedi. Komilov nazarida islohotlar real lekin ular tub o'zgarishlarga yetaklashi uchun hukumatni tergab turadigan demokratik oppozitsiya zarur.

Prezident Mirziyoyev Oliy Majlisni faollikka chaqirib kelmoqda. Parlamentda o'ringa ega partiyalar jonlanishi kerak, deydi u. Hozircha ularning birortasi amaldagi siyosatni tanqid qilmaydi va muqobil yo'l taklif qilmaydi.

Mirziyoyevni Vashingtonda ham tomosha qilishdi
Iltimos, kuting...

No media source currently available

0:00 0:15:27 0:00

Ruhiddin Komilov: O'zbekistonga siyosiy muxolifat kerak
Iltimos, kuting...

No media source currently available

0:00 0:16:16 0:00

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. For the last year, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy and The National Interest. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

XS
SM
MD
LG