Breaking News

Texasning Meksika bilan chegaradosh shtatida qonli otishma, 20 kishi o'lgan


El Paso, Texas

Texas shtatining Meksika bilan chegaradosh El Paso shahridagi supermarketda bir kishi o't ochib, 20 odamni o'ldirgan. 26 kishi jarohatlangan.

Hujumchi hibsda: 21 yoshli amerikalik erkak.

Voqea mahalliy vaqt bilan soat 11 larda ro'y bergan. Prezident Tramp va hukumat a'zolari El Pasoda vaziyat nazorat ostida ekanini aytmoqda.

Politsiyaga ko'ra, tergov avjida. Hujum sababi, deya bildirmoqda ichki ishlar boshqarmasi, hozircha hujumchining lotin amerikaliklarga nisbatan nafratiga borib taqalmoqda. U aynan meksikalik muhojirlarni nishonga olgan.

Yigit Texasni meksikaliklar bosib olmoqda va ularni yo'q qilish kerak, degan mazmunda o'z yovuz maqsadlarini yozib chiqqan. O'lganlar orasida uch kishi, jarohatlanganlardan olti nafari Meksikadan vaqtincha kelganlar bo'lgan.

El Pasoda 700 mingga yaqin aholi yashaydi. Amerika bo'ylab bunday qurolli hujumlarda har yili yuzlab odamlar nobud bo'ladi. Qurol nazorati bo'yicha bahslar tinmaydi.

El Paso, Texas
El Paso, Texas

El Paso, Texas
El Paso, Texas

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG