Breaking News

Samolyotda halok bo'lgan ukrainaliklar jasadi Kiyevga keltirildi


Ukraina Prezidenti Vladimir Zelenskiy qurbonlar xotirasi uchun gul qo'ymoqda, Kiyev, Ukraina, 2020-yil, 8-yanvar.

Eronda harbiylar xatosi tufayli urib tushirilgan samolyotda halok bo’lgan 11 ukrainalik 19-yanvar kuni Kiyevga olib kelindi.

Prezident Vladimir Zelenskiy va boshqa rasmiylar Ukraina Xalqaro havo yo’llarining to’qqiz xodimi va ikki yo’lovchi jasadlari solingan tobutlarni aeroportda kutib oldi. 8-yanvar kuni yuz bergan fojiada samolyotdagi jami 176 odam halok bo’lgan edi.

Eron generali Qosim Sulaymoniy AQSh droni orqali o’ldirilgach, Tehron Iroqdagi AQSh harbiy bazalariga raketa yog’dirdi. Shundan bir necha soat o’tib Ukraina yo’lovchi samolyoti Tehron aeroporti yaqinida qulab tushdi.

Rasmiylar dastlab samolyotning raketa bilan urib tushirilganini rad etdi. Dalillar o’rtaga chiqib, xalqaro bosib ortishi natijasida Tehron xatolik tufayli samolyotga raketa otilganini tan oldi.

Bundan g’azablangan minglab eronliklar ko’chalarni to’ldirib, hukumatga qarshi namoyish boshladi. Ular aybdorlar jazolanishini talab qildi.

Halok bo’lganlarning ko’pi eronliklar yoki asli eronlik bo’lgan chet el fuqarolari. Ular Erondagi oila a’zolari bilan ko’rishish uchun kelganlar yoki chet elga o’qish uchun ketayotgan yoshlar bo’lgan.

Fuqarolarini boy bergan Ukraina va yana to’rt davlat rasmiylari Erondan “izchil, mustaqil va shaffof” tekshiruv o’tkazishni talab qilmoqda.

Samolyot qora qutisini xalqaro hamkorlar bilan bo’lishishga rozi bo’lgan Tehron bu ishni paysalga solayotgani aytilmoqda.

Xalqaro hayot - 2020-yil, 20-yanvar
Iltimos, kuting...

No media source currently available

0:00 0:03:54 0:00

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG