Breaking News

Tramp: Butun mamlakat karantinga olinmaydi

Prezident Donald Trampning aytishicha, butun mamlakatni karantinga olish rejasi mavjud emas.


AQSh Prezidenti Donald Tramp
01:04 17.3.2020

Prezident Donald Trampning aytishicha, butun mamlakatni karantinga olish rejasi mavjud emas.

Ba'zi joylarda shunday choralar ko'rilishi mumkin, lekin mamlakat miqyosida izolyatsiya o'rnatish niyatimiz yo'q, dedi prezident.

"Ba'zi hududlar jiddiy zarar ko'rgan. Shu joylarda chora ko'rishimiz mumkin, lekin mamlakat bo'ylab emas", - dedi Tramp.

00:15 17.3.2020

O‘zbekistonda koronavirus infeksiyasi yuzasidan savollariga javob beruvchi markaz ochilgan. 1003 raqamiga telefon qilib, 24/7 zarur axborot so'rash mumkin.

Telegramda kecha ochilgan Koronavirus Info kanaliga ko'ra, bu markazda Toshkent pediatriya tibbiyot institutining 200 dan ortiq mutaxassislari ishlamoqda. Olti smenada navbatchilik yo‘lga qo‘yilgan.

Tashkilotchilarga ko'ra, ochilganidan keyin bir sutka ichida 20 mingdan ortiq fuqaro murojaat qilgan.

Telefon qilganlardan biri bo'lsangiz, qanday fikrdasiz? Savolingizga javob oldingizmi?

22:09 16.3.2020

16-mart holatiga ko’ra, O'zbekistonda kasallanganlar soni sakkiz kishiga yetgan, so’nggi holat 14-mart kuni Londondan qaytgan o’zbekistonlikda qayd qilingan. Sog'liqni saqlash vaziri Alisher Shodmonovning aytishicha, ayni damda 641 kishi karantinda. Bemorlarning ahvoli qoniqarli, deydi vazir.

Adliya vazirligi epidemiyaga qarshi kurashga to’sqinlik qilish, vahima uyg’otuvchi yolg’on xabar tarqatish 8 yilgacha qamoq jazosiga sabab bo’lishi haqida ogohlantirdi.

Ammo bu keskin choralar virus vahimasi bilan ijtimoiy hayotda boshlangan sarosimani bartaraf etayotgani kuzatilmaydi. Oziq-ovqat mahsulotlariga talab oshgan, narx-navolar ko’tarilgan.

Hukumat mulozimlari bozorlarda yurib aholini tinchitishga urinmoqda. Davlat idoralari, xususan bojxona qo’mitasi vakillari ijtimoiy tarmoqlarda aholiga oziq-ovqat zahirasiga to’la omborlarni namoyish qilmoqda.

Koronavirus poytaxtda qayd qilinishi ortidan viloyatlarga qaytayotganlar soni ham keskin oshgan. Transport xarajatlari shunga muvofiq jiddiy ko’tarilgan.

O’zbekistonda Qozog’istonda kuzatilgani kabi favqulodda holat e’lon qilinmagan.

Ammo virus xavfining oldini olish, shuningdek ijtimoiy vaziyat nazoratiga doir choralar o’ta keskinlashtirilgan, qamoq jazosi nafaqat vahima uyg’otuvchi yolg’on xabarlar tarqatish, balki kasallikni yashirish, qasddan yuqtirish holatlariga ham tegishli ekanligi ma’lum.

Batafsil o'qing: O'zbekistonda koronavirusga qarshi kurash: qariyb 650 odam karantinda​

21:13 16.3.2020

Yevropa Ittifoqiga kirish cheklandi

Yevropa Komissiyasi Yevropa hududiga muhim bo'lmagan sayohatlarni cheklamoqchi. Bu haqda komissiya Prezidenti Ursula von der Leyen xabar berdi.

"Sayohat qancha kam bo'lsa, virusni shunchalik to'xtata olamiz. "Katta Yettilik" rahbarlariga hozir xabar berganimdek, davlat va hukumat rahbarlariga muhim bo'lmagan sayohatarni cheklashni taklif qildim", - dedi Leyen "Twitter" orqali bayonotida.

Uning qo'shimcha qilishicha, cheklov 30 kun amal qiladi va zarur bo'lsa, yana uzaytirilishi mumkin.

Yevrioa fuqarolari, ularning oila a'zolari, shifokorlar va hamshiralar hamda Yevropa Ittifoqiga mahsulotlarni tashiyotgan shaxslarga bu taqiq amal qilmaydi.

Ko'proq...

Facebook Forum

XS
SM
MD
LG