Bugunning qahramonlari kimlar? Insoniyat koronavirus degan balo bilan kurashda ekan, har bir jamiyat o'z shifokorlari va tibbiy xodimlariga o'zgacha ishonch va hurmat bilan qaray boshlagan. Pandemiyadan eng qiynalayotgan soha ham shu - sog'likni saqlash tizimi. O'zbekistonda, xususan, hukumat va jamoatchilik kasalxonalarda mehnat qilayotgan va bemorlar bilan ishlayotgan mutaxassislarni olqishlamoqda. AQShda ham odamlar tibbiyot xodimlariga qahramon sifatida qaramoqda. Jahonning turli burchaklarida yashaydigan muxlislarimizga savolimiz: Siz yashayotgan davlatlarda ham shundaymi? Bugun eng ko'p matonat ko'rsatayotgan odamlar kimlar?
