Breaking News

Xitoy pandemiya yana kuchayishidan xavotirda


Xitoy poytaxti Pekin yaqinida o'rnatilgan nazorat punkti, 2021-yil, 12-yanvar

Xitoy Pekin shahri yaqinidagi hududlarda koronavirusga qarshi yangi cheklov qoidalarini joriy qildi. Besh millionga yaqin odamning harakati cheklangan. Pandemiyaga qarshi muvaffaqiyatli kurash olib borgan Xitoyda yana virus yoyilishi xavfi bor.

Aniqlangan yangi kasallar soni 50 dan ortiq. Bu o’tgan yili pandemiya boshidagi raqamlardan ancha kam bo’lsa-da, rasmiylar virusning yanada ko’payib ketishiga yo’l qo’ymoqchi emas.

So’nggi kunlarda aniqlangan bemorlar soni oxirgi besh oyda kuzatilgan eng katta o’sish ekani aytilmoqda.

Yangi holatlarning aksariyati Pekin yaqinidagi Xebey viloyatida aniqlangan.

Eng ko’p kasallar viloyat markazi Shitzyajuan shahridan. 11 million aholiga ega shahar karantinga olingan. Odamlar va transport harakati to’xtatilgan.

Xitoyning boshqa viloyatlarida ham koronavirusga chalinganlar soni ortayotgani haqida xabarlar bor.

Koronavirusning kelib chiqishini o’rganayotgan Jahon Sog’liqni saqlash tashkiloti ekspertlari 14-yanvar kuni Xitoyning Uxan shahriga kelishi kutilyapti. Virus ilk bor shu shaharda 2019-yil oxirida aniqlangan edi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG