Breaking News

AQShda o'qigan afg'onlarga immigrant vizasi berish taklif qilinmoqda


"Fulbright" ta'lim granti asosida AQShda malaka oshirgan xorijliklar

Kaliforniyalik qonunchi ta’lim almashuniv dasturi asosida AQShda o’qigan yoki malaka oshirgan afg’onistonliklarga AQShga kelish uchun maxsus immigrant vizasi berish haqidagi qonun loyihasini olg’a surdi.

Qonun AQShda “Fulbright” yoki shunga o’xshash ta’lim dasturlari asosida Amerikada yashagan afg’onlarga va ularning yaqin oila a’zolariga AQShga ko’chish imkonini beradi. Loyiha Vakillar palatasiga Kaliforniya shtatidan saylangan demokrat Jon Garamendi tomonidan taklif qilindi.

“Fulbright” granti AQSh madaniy ta’lim almashinuv dasturlarining eng muhimlaridan biri bo’lib, AQSh va boshqa davlatlar o’rtasida xalqaro aloqalar, diplomatiya va hamkorlikni yaxshilashga yordam beradi”, deyiladi Garamendi e’lon qilgan bayonotda.

“Bu Tolibon va 11-sentabr xuruji uchun mas’ul terrorchilarga qarshi AQSh bilan birga turgan afg’on ittifoqchilarimiz uchun qilishimiz kerak bo’lgan to’g’ri ish”, - deya qo’shimcha qiladi Garamendi.

Agar qabul qilinsa, qonun 2001-yil 7-oktabrdan keyin AQSh Davlat departamenti homiyligidagi madaniy va ta’lim almashinuv dasturlarida qatnashgan Afg’oniston fuqarolari yoki rezidentlariga hamda ularning turmush o’rtoqlari va farzandlariga maxsus immigratsiya vizasi taqdim etadi.

Quyidagi dasturlarda qatnashganlar bu vizani olishi mumkin:

O’tgan oy Xalqaro ta’lim instituti Afg’onistondagi Amerika universitetinining sobiq 10 talabasiga xorijda o’qish imkoniyatini berish uchun ta’lim grantlari ajratilishini e’lon qildi. Tolibon hokimiyatga kelishi ortidan Afg’onistondagi Amerika universiteti o’z faoliyatini to’xtatgan edi.

Xalqaro ta’lim instituti afg’onlar foydalanishi mumkin bo’lgan boshqa ta’lim grantlarini ham yo’lga qo’ymoqda.

Nyu-Yorkdagi Kolumbiya universiteti ham har yili qochoqlar va boshqa o’z joyini tashlab ketgan talabalar uchun to’liq grant beradi. 2019-yilda yo’lga qo’yilgan bu dastur asosida shu paytgacha 30 talaba uchun olti million dollar ajratilgan.

Ushbu grantni olish uchun ariza topshiruvchi o’zi xohlagan sohadagi o’quv dasturiga qabul qilingan bo’lishi kerak. Qabul shartlari va ariza topshirish muddatlari soha va darajaga qarab har-xil bo’lishi mumkin.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG