Breaking News

AQSh va Janubiy Koreya ittifoqini mustahkamlamoqda


AQSh Mudofaa vaziri Lloyd Ostin Janubiy Koreya mudofaa vaziri Sux Uk bilan. Seul, 2-dekabr, 2021.

Ayni damda AQShning Janubiy Koreyadagi harbiy bazasida 29 ming amerikalik askar xizmat qilmoqda. Seul va Vashington mintaqada Janubiy Koreya kuchlarining rolini oshirish borasida yakdil.

Tomonlar Hind-Tinch okeani mintaqasida Janubiy Koreyaning roli aynan qanday bo’lihi borasidagi rejalarga oydinlik kiritmagan. Biroq Shimoliy Koreya tahdidiga qarshi hamkorlikda kurashish masalasiga alohida urg’u bergan.

AQSh Mudofaa vaziri Lloyd Ostin Janubiy Koreya mudofaa vaziri Sux Uk bilan. Seul, 2-dekabr, 2021.
AQSh Mudofaa vaziri Lloyd Ostin Janubiy Koreya mudofaa vaziri Sux Uk bilan. Seul, 2-dekabr, 2021.

“Shimoliy Koreya raketa va qurollanish dasturlarini takomillashtirishda davom etar ekan, mintaqadagi barqarorlikni izdan chiqarmoqda”, - dedi AQSh Mudofaa vaziri Lloyd Ostin Janubiy Koreya mudofaa vaziri bilan Seulda muloqot qilar ekan.

Ostinning ta’kidlashicha, Vashington va Seul Shimoliy Koreya bilan diplomatik murosaga erishish ahdida qat’iy. Shuning bilan birga, tomonlar Pxenyanning ehtimoliy tahdidlariga qarshi hamkorlikda kurashish va harbiy shaylikni saqlab turishga kelishgan.

AQSh Mudofaa vaziri Lloyd Ostin Janubiy Koreya mudofaa vaziri Sux Uk bilan. Seul, 2-dekabr, 2021.
AQSh Mudofaa vaziri Lloyd Ostin Janubiy Koreya mudofaa vaziri Sux Uk bilan. Seul, 2-dekabr, 2021.

Janubiy Koreya Mudofaa vaziri Sux Ukning ta’kidlashicha, AQSh harbiy kuchlarining mamlakatdagi faoliyati joriy holatida qoladi.

Uchrashuvda imzolangan qo’shma bayonotda qayd etilishicha, AQSh Janubiy Koreyada to’liq mudofaa salohiyati, xususan, yadroviy, an’anaviy va raketa qurollaridan foydalanish huquqiga ega.

Tomonlar Shimoliy Koreya tomonidan kutiladigan ehtimoliy hujumlarga qarshi strategik va urush rejalarini muvofiqlashtirish hamda yangilashga kelishib olgan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG