Learning English
VOA
site logo site logo
Oldingi Keyingi
Breaking News
AQSh-Markaziy Osiyo

Pentagon: O'zbekiston va Tojikistonga olib qochilgan harbiy havo vositalari Tolibonga berilmaydi

Jon Kirbi, AQSh Mudofaa vazirligi matbuot kotibi
Jon Kirbi, AQSh Mudofaa vazirligi matbuot kotibi

AQSh Mudofaa vazirligi matbuot kotibi Jon Kirbi ta'kidlashicha, 2021-yilning avgust oyida Tolibondan qochgan afg'on havo kuchlari O'zbekiston va Tojikistonga uchib borgan samolyot va vertolyotlar qaytarilmaydi. Kirbi "Amerika Ovozi" bergan savolga shunday javob berdi.

Tolibon bu boradagi talablarini oxirgi paytlarda balandroq ovozda ayta boshlagan. Ammo Kobuldagi muvaqqat hukumatga ko'ra, O'zbekiston va Tojikiston bilan muloqot samimiy va aloqalar ijobiy, ya'ni Tolibon Toshkent va Dushanbe bilan bu masalani deb orani buzishni istamaydi.

Pentagon O'zbekiston qurolli kuchlarini qutladi
Buni ham ko'ring

Pentagon O'zbekiston qurolli kuchlarini qutladi

Bu davlatlarga olib borilgan samolyot va vertolyotlar ichida Amerika afg'on havo kuchlariga bergan vositalar bo'lsa, Pentagonga ko'ra, Tolibon ularni olishga umid qilmasligi kerak.

Qo'shni davlatga qochgan afg'on zobitlari, jumladan harbiy uchuvchilar o'tgan yilning kuzida Amerikaga evakuatsiya qilingan.

"Biz bu masala ustida ishlayapmiz. Sizga yakuniy qarorlar xususida biror yangilik bera olmayman. Lekin bir narsani aniq aytishim mumkin, bu vositalar Afg'onistonga Tolibon ishlatishi uchun yuborilmaydi", - deydi Kirbi.

Tolibon Amerika tomonidan Afg'onistonning rasmiy hukumati deya tan olinmagan.

Tolibon: O'zbekiston sabrimizni sinamasin
Buni ham ko'ring

Tolibon: O'zbekiston sabrimizni sinamasin

Bayden ma'muriyati Tolibondan inson huquqlari va fuqaro erkinliklarini ta'minlashni talab qilmoqda. Afg'onistonda xalqqa bu harakat qanday munosabatda ekanini kuzatayotgan AQSh hukumati hozirgi vaziyatdan norozi.

Pentagon uchun asosiy vazifa AQSh xavfsizligini ta'minlash, deya eslatadi Kirbi. Afg'onistondan biror terror tahdidi bo'lmasligi lozim. Shu bois ham kontrterrorizm choralariga e'tibor katta, deydi rasmiy.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

Shu mavzuda

Back to top
XS
SM
MD
LG