Breaking News

Mirziyoyev, besh yil oldingidek, investorlarga muvaffaqiyat va ochiqlik va'da qildi


Toshkent xalqaro investitsiya forumi, 24-mart, 2022

Prezident Shavkat Mirziyoyevga ko’ra, O’zbekiston - Markaziy Osiyoning biznes uchun eng ochiq mamlakati. 90 davlat fuqarolari, deydi u, respublikaga vizasiz kelishi mumkin. 60 davlat fuqarolari uchun viza tartibi yengillashtirildi.

Biroq O'zbekiston oshkoralik, erkinlik va adolat bo'yicha reytinglarda hamon bag'oyat orqada. BMT Inson huquqlari kengashiga a'zo bo'lsa-da, respublika erkin bo'lmagan tizim va jamiyat hisoblanadi.

Toshkentda o'tayotgan xalqaro investitsiya forumida so’zlar ekan, O’zbekiston rahbari g’arbu-sharq ishbilarmonlarini olqishlab, ular uchun zarur sharoitlar yaratilayotganini da’vo qildi.

Toshkent xalqaro investitsiya forumi, 24-mart, 2022
Toshkent xalqaro investitsiya forumi, 24-mart, 2022

“Korrupsiyaga qarshi kurashish O‘zbekistonda davlat siyosatining eng ustuvor yo‘nalishiga aylandi", - deydi Mirziyoyev.

"Bu sohada boshlagan ishlarimizni davom ettirib, iqtisodiyotda shaffoflikni ta’minlash va korrupsiyaga qarshi qat’iy kurash olib borish yanada kuchaytirilmoqda".

Prezident deydiki, mamlakatda har bir insonning huquq va erkinliklarini kafolatlash va to‘liq himoya qilish eng ustuvor vazifa deb belgilangan.

"O‘zbekistonni qonun va adolat mustahkam qaror topgan demokratik mamlakatga aylantirish, mustaqil va kuchli sud-huquq tizimini shakllantirish eng oliy maqsadlarimizdan biri sifatida kun tartibiga qo‘yildi”, – deydi Mirziyoyev.

Toshkent xalqaro investitsiya forumi, 24-mart, 2022
Toshkent xalqaro investitsiya forumi, 24-mart, 2022

O'zbekiston rahbari islohotlarning katta qismi ta’lim va inson kapitalini rivojlantirishga qaratilganini ta'kidladi.

"So‘nggi 5 yilda mamlakatimizda 21 mingdan ortiq yangi maktabgacha ta’lim muassasalari tashkil etilib, ushbu maskanlarda tarbiya olayotgan bolalarimiz qamrovi avvalgi 27 foizdan 67 foizga ko‘tarildi", - deydi prezidenrt.

200 ga yaqin yangi maktab qurilgan, uch mingdan ortiq maktablar ta'mirlangan.

Ekspertlar, jumladan chet ellik mutaxassislar, gap sonda emas, sifatda ekanini eslatadi. Biroq hukumat uchun hozir qamrov eng muhimi. Sifatni ham yaxshilash uchun harakat ketmoqda, deydi mutasaddilar.

Toshkent xalqaro investitsiya forumi, 24-mart, 2022
Toshkent xalqaro investitsiya forumi, 24-mart, 2022

"Ko‘p yillar davomida mamlakatimizni turli “qora ro‘yxat”larga kiritilishi uchun sabab bo‘lgan majburiy, jumladan, bolalar mehnatiga to‘liq barham berildi", - deydi Mirziyoyev.

O'tgan bir yil ichida O'zbekistonda matbuot erkinligi sezilarli darajada orqaga ketib, xavfsizlik organlarining jurnalistlar, blogerlar va ommaviy axborot vositlariga bosimi oshganiga qaramay, Mirziyoyev deydiki, "fuqarolik jamiyatini rivojlantirish va so‘z erkinligini ta’minlash, demokratik media makon yaratish bo‘yicha zarur choralar amalga oshirilmoqda".

Uning xorijiy investorlar va ehtimoliy sarmoyachilarga aytishicha, OAVni “to‘rtinchi hokimiyat”ga aylantirish, davlat idoralarining jamiyat oldidagi hisobdorligini oshirish ustida harakatlar jadal.

Toshkent xalqaro investitsiya forumi, 24-mart, 2022
Toshkent xalqaro investitsiya forumi, 24-mart, 2022

Forum O'zbekiston bilan azaldan ishlab keladigan va mamlakatdagi jaryonlarni kuzatadigan tomonlarga 2017-yilda Nyu-Yorkda kechgan investitsion tadbirni eslatdi. Mirziyoyev AQShga ilk safarida yuzlab tadbirkorlarni bir davraga yig'ib, ularga bugungidek murojaat qilgan, korporatsiya va firmalarni O'zbekistonga chorlagan edi.

O'shanda ham Mirziyoyev investitsiya samara berishini kafolatlashini aytgan edi. Hukumat bu davr mobaynida qator yutuqlarga erishganini qayd etadi, vaholanki, besh yildan beri faoliyatini boshlashga urinayotgan kompaniyalar bor.

Muammolarga qaramasdan bu forumga 1500 kishi qatnashish istagini bildirgani, deydi mutasaddilar, progressga ishonch va kelajakka umiddan darak.

Toshkent xalqaro investitsiya forumi, 24-mart, 2022
Toshkent xalqaro investitsiya forumi, 24-mart, 2022

O’zbekiston bu hafta Toshkentda xalqaro investitsiya forumida xorijlik tadbirkorlarga kamida 200 biznes loyiha taqdim etib, yatarlicha sarmoya jalb etish umidida.

Prezident Mirziyoyev bu proyektlarning samarasini kafotlashini aytib, chet ellik mehmonlarni uning hukumatiga ishonishga undamoqda.

“Amerika Ovozi” bilan gaplashgan qatnashuvchilar va hozirda mamlakatda ishlayotgan investorlar deydiki, O’zbekiston rahbariyatining bayonot va va’dalari ularni quvontiradi, ammo muvaffaqiyat real vaziyat va sharoitga borib taqaladi.

Siyosiy qarorlar va amaliyot bir-biridan yiroq, deydi Yevropadan kelgan bankir.

Hukumatga ko’ra, biznes muhit sezilarli darajada yaxshilangan. Xorijiy bizneslar buni e’tirof etsa-da, sud va huquq-tartibot organlariga ishonchi pastligini bildiradi.

Toshkent investitsiya forumi, 24-mart, 2022
Toshkent investitsiya forumi, 24-mart, 2022
  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 900 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and The Atlantic. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

Shu mavzuda

XS
SM
MD
LG