Al-Aqso masjidi qayta ochildi

Quddusning al-Aqso masjidiga yoshidan qat'i nazar barcha musulmonlar kelishiga ruxsat berildi.

Isroil bir necha kun oldin masjidga faqat 35 yoshdan kattalarni kiritayotgan, bu qarorni yoshlar to'polon boshlashi mumkin, deya izohlayotgan edi. Quddusning Eski shahar qismiga qo'shimcha politsiya kuchlari safarbar etilgan.

Masjidni qayta ochish qarori Amerika Davlat kotibi Jon Kerri, Falastin Prezidenti Mahmud Abbos, Isroil Bosh vaziri Benyamin Netanyaxu va Iordaniya qiroli Abdullaning uchrashuvi ketidan e'lon qilindi.

Amerika bosh diplomatining aytishicha, hamma tomonlar tartib-tinchlikni qayta tiklashga va'da bergan. Kerri nazarida hozir Isroil va Falastin rahbarlari yuzma-yuz uchrashishi uchun qulay fursat emas.

Musulmon va yahudiylar uchun birday muqaddas sanalgan masjid va uning atrofi ustida bahslar oxirgi paytlarda avjida.

Yahudiylar masjid yaqinida bemalol ibodat qilish imkonini talab qilib keladi. Musulmonlar esa buni al-Aqsoni qo'ldan boy berish bilan qiyoslaydi.

• Amerika Ovozi

Isroilning raketa hujumlaridan katta zarar ko'rgan G'azo sektorini qayta qurish uchun kamida 6 milliard dollar kerak bo'ladi, dedi Falastin Bosh vaziri o'rinbosari. 400 mingdan ziyod odam uy-joyidan ajragan, elektr stansiyasi, suv va oqava tizimlari yangidan bunyod etilishi kerak.

193 a'zodan 138 tasi taklifni yoqlagan. Amerika va Isroil qarshi ovoz bergan. Ular nazarida Falastin avvalo yahudiy davlat bilan ko'plab masalalarda kelishib olishi lozim. BMTdagi ovoz bilan tinchlikka erishilmaydi, deydi Xillari Klinton, AQSh Davlat kotibasi. Falastin rahbari Mahmud Abbos esa "xalqim o'z davlatiga ega bo'lmas ekan, uning haq-huquqlari poymol etilaveradi", deydi.

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.