Nigeriya shimoli-sharqida "Boko Haram" jangarilari amalga oshirgani taxmin qilinayotgan hujumda kamida 150 odam o'lgan.
Kukava shahrida jangarilar masjidga bositirib kirib, odamlarni ota boshlagan. Keyin xonadonma-xonadon yurib oddiy fuqarolarni o'ldirgan.
Bu hujumda o'lganlar 97 odam.
Monguno shahrida esa qurollangan kishilar ayollar va erkaklarni tizib qo'yib, otgan. Bu hamlada nobud bo'lganlar 48 kishi.
Har ikki shahar Borno shtatida. "Boko Haram" jangarilari ayniqsa shu shtatda faol.
Nigeriyada portlash, o'lganlarning ko'pi o'quvchilar
Nigeriya shimoli-sharqidagi Potiskum shahrida suiqasd xurujida kamida 48 odam o'lgan, aksariyati o'quvchilar. Voqea o'rta maktabda sodir bo'lgan. Bomba bolalar bir joyga to'planganda portlagan. Xabarlarga qaraganda, kamida 79 odam jarohat olgan, aksariyati og'ir ahvolda. Guvohlarning aytishicha, xudkush bombachi o'quvchi kiyimida bo'lgan. Xuruj kimning ishi ekani ma'lum emas, ammo mamlakatda Boko Haram jangari guruhi faol. Boko Haram bir hafta oldin Potiskumdagi bir xurujni uyushtirgan edi. O'shanda diniy marosim paytida 20 dan ziyod odam o'lgan.
