Breaking News

Nigeriya "Boko Haram"ga qarshi kurashni kuchaytirmoqchi


Nigeriyaning yangi Prezidenti Muhammadu Buxoriy (markazda) xavfsizlik xizmati rahbarlari bilan, 2-iyun, 2015-yil.
Nigeriyaning yangi Prezidenti Muhammadu Buxoriy (markazda) xavfsizlik xizmati rahbarlari bilan, 2-iyun, 2015-yil.

Nigeriyada rahbariyatning o’zgarishi “Boko Haram”ga qarshi olib borilayotgan kurashda AQSh yordamini yanada jonlantirishi mumkin. Tahlilchilar fikricha, yangi Prezident Muhammadu Buxoriy AQSh bilan aloqalarni kuchaytirishi kutilyapti. Sobiq davlat rahbari Gudlak Jonatan davrida munosabatlar ancha sustlashgan edi.

"Boko Haram"ga qarshi kurash, Behzod Muhammadiy
Iltimos, kuting...

No media source currently available

0:00 0:01:49 0:00

Internetda “Boko Haram” tarqatgan yangi video “G’arbiy Afrikadagi Islomiy davlat” belgisi bilan e’lon qilindi.

Unda jangarilarning da’vo qilishicha, davlatlarning “Boko Haram”ni mag’lub etayotgani haqidagi gaplar yolg’on.

Nigeriyaning yangi prezidenti etib qasamyod keltirgan Muhammadu Buxoriy “Boko Haram”ga qarshi kurashni o’zining asosiy vazifalaridan biri deb e’lon qildi. AQSh Davlat kotibi Jon Kerri bilan uchrashuvda ham shu masala ko’tarilgan.

Afrika markazi direktori Piter Famning aytishicha, AQSh avvalgi hukumat bilan bo’lgan kelishmovchilikni unutishi kerak.

“AQSh tez orada razvedka va yuk tashish kabi masalalarda yordam berish uchun o’z maslahatchilarini yuboradi, deb umid qilaman”, - deydi u.

Tahlilchiga ko’ra, Nigeriya qashshoq mamlakat emas.

“Nigeriya ehsonga ko’z tikayotgani yo’q. Muammolarni bartaraf etishda kerak bo’ladigan zarur qurollarni sotib olishni so’rayapti”, - deydi u.

Tahlilchi Muhammad Rahimning aytishicha, Amerika va boshqa davlatlar “Boko Haram”dan aziyat chekkan odamlarga ham to’g’ridan to’g’ri yordam ko’rsatishi kerak.

“Texnik yordam bu jamiyatlarga katta ko’mak berishi mumkin”, - deydi u.

Davlat departamentiga ko’ra, AQSh “Boko Haram”ga qarshi kurashda Nigeriyaga yordamni oshirib, xususan, askarlarni harbiy tayyorgarlikdan o’tkazishga ham ko’mak beradi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG