Samolyot bilan arqon tortishishga chiqqan amerikaliklar

Samolyot trassalariga chiqish odatda yo’lovchilar uchun yopiq. Biroq har yili Vashington Dalles aeroportida o’tadigan festivalda tumonat odam to’planadi.

Embed share

Vashington xalqaro aeroportidagi yillik xayriya tadbiri

Embed share

The code has been copied to your clipboard.

---

width px height px

---

The URL has been copied to your clipboard

No media source currently available

0:00 0:02:03 0:00

Yuklab oling

• 270p | 6,0MB
• 360p | 10,0MB
• 404p | 17,0MB
• 1080p | 47,8MB

Yuzlab odam Vashington yaqinidagi Dalles xalqaro aeroportida. Ular arqon tortishga chiqqan. Jamoalar yo’lovchi samolyot bilan kuch sinashmoqda.

Har yili o’tkaziladigan bu festivaldan maqsad imkoniyati cheklangan sportchilar uchun mablag’ to’plash.

Ishtirokchilar yetti metrli Boing 757 samolyotini yetti metrgacha sudrab borishi kerak. Eng qisqa vaqt ichida marraga yetgan jamoa g’olib bo’ladi.

“Samolyot tortishni 1992-yilda boshlaganmiz, 27 yil bo’ldi. Dunyo bo’ylab birinchilardanmiz”,- deydi aeroport menejeri Mayk Syuart.

Virjiniyadagi maxsus olimpiada imkoniyati cheklanganlar bilan ishlaydi, ularning treningdan o’tishiga ko’maklashadi.

Hamma imkoni boricha hissa qo’shdi. Mahalliy politsiyadan tortib aeroport rasmiylarigacha shu yerda.

“12-15 minglab odam qatnashadigan, zavq oladigan festival bu. Hozircha 415 ming dollar to’plandi deb e’lon qilishdi. Kun oxirigacha yana ortsa kerak. Aeroportning ichida ham qancha o’yinlar bo’lyapti. To’plangan mablag’ Virjiniya bo’ylab 25 ming nafar imkoniyati cheklangan sportchilar uchun sarflanadi”, - deydi Virjiniya maxsus olimpiadasi prezidenti Rik Jeffri.

Musobaqada 70 dan ortiq jamoa qatnashdi. Ishtirokchilarning yoshi, kelib chiqishi, sohasi turlicha. Bankir ham bor, o’qituvchi, kursant, duradgor ham.

“Bu ham bir tajriba. Birinchi marta keldim. Savob qilib odamning ko’ngli to’larkan. Jamoamiz bilan kelganmiz, kuchga to’lib turibmiz”, - deydi bankir Tivi Deyn.

Paralimpiyachi sportchilardan iborat jamoa ham samolyot tortishga tushib ketdi.

Dani Moralez tajribali sportchi. Arqon tortish uning uchun muammo emas.

“Zavq olyapman. Qarang, ikki samolyotni tortdik. Birini 10 sekundda, ikkinchisini 8 sekungda siljitdik. O’zimda yengilmas bir kuch his qilyapman”, - deydi u.

2018-yil o’tgan arqon tortishish festivalida ikki million dollar yig’ilgan edi. Tashkilotchilar bu yil yanada ko’proq mablag’ to’planishidan umidvor.