Fransiya vokzalidagi terror hujumida ikki ayol pichoqlangan

  • Amerika Ovozi

Fransiyaning Marsel shahridagi poyezd vokzalida bir erkak ikki ayolni pichoqlagan. Xavfsizlik xodimlari hujumchini otib o'ldirgan. Voqea terakt deb baholanmoqda, deydi rasmiylar.

Marsel politsiya boshqarmasi Seint Charlz stansiyasida jami uch kishi o'lganini tasdiqladi. Poyezdlar qatnovi to'xtagan.

Guvohlar pichoq ko'targan kishi hujum paytida "Allohu akbar" deb hayqirganini aytadi. Islomiy jangarilar Fransiyada 2015-yildan buyon qator hujumlarni amalga oshirdi.

2015-yilning noyabrida Parijning turli qismlarida otishma va portlashlarda jami 130 kishi, 2016-yilning iyulida Nitsa shahrida esa yuk mashinasi odamlarni yoppasiga bosib ketib, 86 kishi halok bo'lgan edi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG