Amerika Prezidenti Donald Tramp yakshanba kuni ballistik raketani sinovdan o'tkazgan Eronga ogohlantirish berdi.

Tehron buni pisand qilmay, sinovlarni davom ettirmoqchi. Ketidan Tramp ma'muriyati Eronning raketa texnologiya sanoatiga aloqador shaxslar va kompaniyalarga sanksiya qo'ydi.

Hozircha Tehron bilan erishilgan yadroviy shartnomani bekor qilish haqida gap ketmayapti, biroq qaror ikki mamlakat aloqalarini yanada tarang qilishi aniq.

Prezidentning aytishicha, Tehron haqida gap ketganda har qanday chora, jumladan, harbiy chorani rad etib bo'lmaydi.

Tramp oldindan Amerika va besh yirik davlat Eron yadro dasturini tugatish bobida erishgan kelishuvni tanqid qilib keladi. Bu kelishuv natijasida Eronning avval muzlatilgan milliardlab dollari muomalaga qaytgan edi. Tramp nazarida oldingi rahbar Barak Obama bo'shlik qildi va Eronga bo'yin egdi.

Eron bilan imzolangan bitimga ko'ra, mamlakat uranni boyitishni kamaytirishi, yadroviy inshootlarini boshqa maqsadlarga yo'naltirishi kerak.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG