Breaking News

Yaqin Sharqda nima gap? 5-iyul, 2011-yil


Bahraynda namoyish
Bahraynda namoyish

YAMAN

Yaman rasmiylarining bildirishicha, bugun janubda havo hujumida al-Qoidaga aloqador besh kishi yo'q qilingan. Jangarilarning Zinjibar shahridagi pozitsiyalari nishonga olingan. Ikki oddiy fuqaroning ham o'lgani aytilmoqda.

Kecha o'n minglab yamanliklar poytaxt Sano ko'chalarida namoyishga chiqib, hukumatni Abiyan viloyatida islomiy jangarilarga qarshi yetarlicha kurashmayotganlikda ayblagan.

BAHRAYN

Bahraynda hukumat islohotlarni talab qilib namoyishga chiqqan shialar bilan ilk muloqotni boshlamoqda. Sessiyada vazirlar, siyosiy partiyalar, kasaba uyushmalari va nodavlat tashkilotlari ishtirok etdi.

Siyosiy islohotlar, iqtisodiyotni kuchaytirish, bolalar huquqlari va ayollar mavqei muhokama qilinadi. Qirollikda aholining aksariyati shialar bo'lgani bilan hokimiyat sunniy sulola qo'lida.

SURIYA

Suriyaning hukumatga qarshi ko'p ming sonli namoyishlar o'tgan Hama shahrida faollarni ta'qibga olish davom etmoqda. Bugun askarlar kamida olti kishini otib o'ldirgan. Kecha shaharda reydlar o'tkazilib, kamida 20 kishi hibsga olingan. Hamaga tanklar kiritilgan.

Suriyalik namoyishchilar bir necha oydan beri prezident Bashar al-Assadni iste'foga chaqirib keladi. Juma kuni yuz minglab odam juma namozidan so'ng chiqish qilgan edi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG