Breaking News

"Nobel" telefon kartochkalari O'zbekistonga kirish harakatida


"Nobel" telefon kartochkalari O'zbekistonga kirish harakatida

O’zbekiston-AQSh orasida shu yilning fevral oyida o’tgan muzokaralarda biznes forum ham tashkil etilgan va unda Amerikadan 30 ga yaqin tadbirkor va ishbilarmon qatnashgan edi.

Biri Maykl Maizels (Micahel Maizels) bo’lib, u telekommunikatsiya sohasida faoliyat yurituvchi Nobel, Ltd vitse-prezidenti.

Bu kompaniya Shimoliy Amerika, Lotin Amerikasi, G’arbiy va Sharqiy Yevropada o’z hamkor va filiallariga ega. Endilikda esa O’zbekiston va qo’shni davlatlarda ishlashga qiziqib qolgan.


“Nobel” ni Markaziy Osiyo, xususan O’zbekistonga jalb qilayotgan narsa bu telekommunikatsiya sohasining kengayib borayotgani va xizmatga talab borligi.

Bugun butun region dunyo bilan har qachongidan ko’proq ulangan va muloqotda, deydi Maykl Maizels.

“Bu bozorga o’z mahsulotlarimizni kiritishni istaymiz”,- deydi u.

“Markaziy Osiyo iqtisodiy jihatdan tezlikda o’sib borayotgan hudud. Nisbatan barqaror. Fikrimizcha, bozor biz uchun ochiq. Ayniqsa, O’zbekiston. Geografik jihatdan qulay bir o’lka. Odamlar turli tillarda gaplashadi. Xizmat markazlarini ochsak bo’ladi”.

Jahon Banki va boshqa xalqaro tashkilotlar O’zbekistonni dunyoda biznes qilish uchun eng qiyin mamlakatlardan biri sifatida qayd etadi. Korrupsiya va qog’ozbozlik jiddiy muammo ekani ayon.

Bunday muhitda sarmoya qilish xavfli emasmi?

Ishbilarmonlar har yerda turli sinovlar bilan yuzlashadi, deydi Maykl Maizels.

“Biznesda talab, raqobat, tavakkal va xavf yonma-yon yuradi. Qo’limizdagi ma’lumotlar va hukumat bilan muzokaralarimizdan shuni angladikki, O’zbekistonda biznes qilsak arziydi”, - deydi Maizels.

Kavkaz va Markaziy Osiyo bo’ylab asta qanot yozish harakatida ekan, “Nobel” ning asosiy mahsuloti - telefon kartochkalaridir. Ularda minut-soatlab vaqt sotib olib, istagan paytda foydalanish mumkin.

Internetda Skype and tele-aloqa imkoniyatini beradigan boshqa vositalar ko’payib bormoqda.

Kartochkalarning ustun tomoni, deydi Maykl Maizels, sizni internet va kompyuterga bog’lab qo’ymaydi. Ularni har yerda ishlatish mumkin.

“Nobel” o’z mahsulotlarini aynan O’zbekistondagi sharoit va iste’molchi talablariga moslamoqchi.

“O’zbekiston bilan muzokaralar davom etarkan, kompaniyamiz u yerdan mahalliy hamkorlar topish niyatida. Biz mahalliy tadbirkorlar bilan ishlashni xohlaymiz.
Kompaniyamizning filiallarini ochsak, odamlarni ishga olamiz. Hozircha hammasi rejada, ammo qarorimiz qat’iy. Biznes bu biznes, har ikki tomon undan foyda ko’radi degan umiddamiz”, - deydi Maykl Maizels.

Nobel, Ltd 1998-yilda tashkil topgan. 2004 va 2006 yillarda Amerikadagi eng yetakchi bizneslardan biri deb tan olingan. Bosh idorasida Bermudada, lekin biznes asosan AQShdan turib boshqariladi.

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. For the last year, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and The Atlantic. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

XS
SM
MD
LG