Breaking News

Prezidentlikka nomzodlar yakshanba Sent-Luisda bahs qiladi


Demokrat Xillari Klinton va respublikachi Donald Tramp Missuri shtati, Sent-Luis shahrida kuch sinashadi. 
Demokrat Xillari Klinton va respublikachi Donald Tramp Missuri shtati, Sent-Luis shahrida kuch sinashadi. 

Amerikada vitse-prezidentlikka nomzodlar bahsi tugadi-yu, jamoatchilik e'tibori endi prezidentlikka nomzodlarning yakshanba kungi bahsida. Demokrat Xillari Klinton va respublikachi Donald Tramp Missuri shtati, Sent-Luis shahrida kuch sinashadi.

Ayrim ekspertlar nazarida respublikachi Mayk Pens debatda demokrat Tim Keyndan biroz ustun keldi.

Biroq Keyn bir yarim soatlik bahs paytida Trampni bot-bot nishonga olishni uddaladi.

"Hammani haqorat qiladigan odamni prezident qilib saylab bo'ladimi?" - deya so'raydi Keyn. "Gubernator Pens qo'poldan qo'pol Trampni himoya qilayotganiga ishonish qiyin", - deydi u.

Pens esa bu tanqidlarni pisand qilmay, Xillari Klintonga hujum qildi.

"Bugun Suriyadagi falokat tashqi siyosatdagi no'noqlikning mahsulidir. Xillari Klinton ishlagan ma'muriyatning xatosi bu", - dedi respublikachilardan vitse-prezidentlikka nomzod.

Tahlilchi Ostin Xart fikricha, vitse-prezidentlar bahsi jamoatchilik fikrini ko'p ham o'zgartira olmaydi.

Yakshanba kungi prezidentlikka nomzodlar bellashuvi oldidan Tramp Klintonni nishonga olmoqda. U yaqinda zotiljam bilan og'riganini mayna qildi.

"Klinton murakkab muammolarni hal qilishi kerak bo'ladi. Holbuki, mashinaga chiqa olmay gandiraklab yuribdi", - deydi Tramp.

Birinchi debatdan so'ng Klinton Trampdan ildamlab ketdi. Bu galgi bahsda davlatni birdamlikka chorlashi kutilmoqda.

"Amerika bugun buyuk bir davlat. Agar birlashsak, undanda qudratga to'lishimiz aniq", - dedi Klinton.

Yakshanba kungi bahsda nomzodlar saylovchilar bilan to'g'ridan-to'gri savol-javob qiladi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG