Breaking News

Suriyada bosh vazirga suiqasd uyushtirildi


Damashqda bomba xurujiga uchragan avtomobil, 29-aprel, 2013-yil.
Damashqda bomba xurujiga uchragan avtomobil, 29-aprel, 2013-yil.
Bugun Damashqning Mazza nohiyasida Suriya bosh vaziriga hujum uyushtirilgan. Guvohlarning aytishicha, yuqori martabali rasmiy Vail al-Xalqiy mashinasi o'tib ketayotgan paytda kuchli portlash sodir bo'lgan. Halok bo'lganlar bor, ammo bosh vazirga shikast yetmagan.

Davlat matbuoti hujumni terroristlar amalga oshirgani haqida xabar bermoqda. Hukumat 2011-yilda boshlangan fuqarolik urushida Bashar al-Assad rejimiga qarshi kurashayotgan muxolifat kuchlarini terrorchilar deya ataydi.

Portlash poytaxtning g'arbiy qismida ro'y bergan. Mamlakat rasmiylarining aksariyati shaharning shu qismida yashashi aytiladi.

Ayni paytda mamlakatda g'alayon borgan sari avj olmoqda. Shu kungacha muxolifat va hukumat kuchlari o'rtasida kechgan janglarda 70 mingdan ziyod odam halok bo'lgan. Ayni kunlarda poytaxt Damashq atrofida muhim strategik nuqtalarni qo'lga kiritish uchun qaqshatqich janglar ketmoqda.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG