Texasdagi cherkovda qatliom, 26 kishi halok bo'lgan

  • Amerika Ovozi

AQShning Texas shtatidagi bir qishloq cherkovida ro'y bergan otishmada 26 kishi halok bo'lgan, kamida 20 nafar jarohatlangan. Sazerlend Springs degan bu joyda atigi 400 kishi yashaydi.

Politsiyaga ko'ra, 26 yoshli mahalliy fuqaro Devin Patrik yakshanba ibodati paytida cherkovga kirib odamlarni o'qqa tutgan. Politsiyachilar uni otib o'ldirgan. Jinoyatchi 2010 yildan 2014 yilgacha AQSh harbiy kuchlarida xizmat o'tagan. Bilrdirilishica u harbiy tribunalga berilib, xizmatdan haydalgan.

Osiyo bo'ylab safar qilayotgan Prezident Donald Tramp Texasdagi vaziyatni yaqindan kuzatayotganini ma'lum qildi.

"Boston Globe" gazetasiga ko'ra, 2017-yilning yanvaridan beri Qo'shma Shtatlarda 307 ommaviy otishma ro'y bergan (to'rt va undan ortiq odam o'lgan otishmalar).

AQSh tarixidagi eng qonli otishma 1-oktabr kuni Nevada shtatining Las-Vegas shahrida qayd etilgan. Stiven Peddok ismli shaxs mehmonxonaning yuqori qavatidan o't ochib, 58 odamni o'ldirgan edi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG