Las-Vegas shahridagi yirik mehmonxona yonida yuz bergan otishmada kamida 58 kishi o'lgan, hujumchi o'zini ham o'ldirgan. Oq uy voqeani yovuzlik, vahshiylik deya ta'rifladi.
"Islomiy davlat" "xuruj bizning ishimiz" deya bayon qilgan lekin Amerika hukumati hozircha bunday xulosadan yiroq.
Politsiyaga ko'ra, hujumchining ismi Stiven Pedok, 64 yoshda. Mehmonxonada uning jasadi yonida bir qancha qurollar topilgan.
Prezident Donald Tramp xalqni halok bo'lganlar ruhi uchun, jarohatlangan yuzlab insonlar tezroq tuzalishi uchun ibodat qilishga undadi.
"Hammamiz dahshatdamiz va jabrlanganlarga hamdardmiz. Amerika motamda", - dedi Tramp Oq uydan turib ommaga murojaat qilar ekan.
Uning aytishicha, Las-Vegasdagi qonxo'rlik sabablari va javobgar tomon aniqlanishi uchun barcha chora-tadbir ko'rilmoqda.
Trampning o'zi shaharga 4-oktabr kuni borishi kutilmoqda.
Las-Vegas - metropolis. Shaarning o'zida 600 mingdan oshiq odam yashaydi. Turizm va ko'ngilochar maskanlardan tushgan pul mahalliy iqtisodning asosiy qismini tashkil etadi. Yalpi yillik daromad 103 milliard dollardan oshadi.
Facebook Forum