BMT hisobotiga ko’ra, 4 million odam oziq-ovqat, suv, sanitariya va tibbiy xizmat, qolaversa, kelayotgan qahraton qishdan himoyaga va insonparvarlik yo’rdamiga muhtoj.

Ukraina urushning 4-yilini boshdan kechirmoqda. Shu kungacha taxminan 10 ming odam halok bo’lgan, 23500 kishi jarohatlangan. Lekin Kiyevdagi hukumat va Ukrainaning sharqiy qismida Rossiyani qo’llab-quvvatlayotganlar o’rtasida hamon murosa yo’q.

BMTning Insonparvarlik ishlari bo'limi vakili Jens Layerkining aytishicha, ayniqsa, isyonchilar nazoratidagi sharqiy hududlar aholisining ahvoli tang; ustiga-ustak 600 ming odam nafaqasini ololmayapti.

“Ziddiyat zonasining har ikki tomonida, taxminan, bir million 200 ming aholi oziq-ovqat tanqisligidan aziyat chekyapti, bu dolzarb masala”, - deydi u.

Layerkiga ko'ra, BMT bu yil Ukraina uchun 200 million dollar mablag' to'plashni rejalagan. Ammo hozirgacha uning 26 foizi yig'ilgan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG