Breaking News

G'arb davlatlari Pokistonga yordamni oshirmoqda


BMT Bosh Assambleyasining kechagi yig’ilishida toshqinlar bilan yuzlashayotgan Pokistonga yordamni oshirishga kelishib olingan.

AQSh 150 million dollarga teng ko’mak berishga ahd qilgan.

Bosh kotib Pan Gi Mun xalqaro hamjamiyatga murojaat qilib, har bir daqiqa g’animat deya eslatgan.

Pan Gi Mun hafta boshida Pokistonda bo’lib, sel kelgan hududlarni ko’zdan kechirgan edi.

“Qishloqma-qishloq yurib faqat dahshatga guvoh bo’ldim”,- deydi u. “Ko’cha, ko’prik, uy-joy… Hammasi yuvilib ketgan. Ekinzor va chorva butunlay nobud bo’lgan. Inson borki, tirik qolish uchun kurashmoqda”,- deya tasvirlaydi BMT Bosh kotibi.

Pokiston Tashqi ishlar vaziri Shoh Mahmud Qurayshiy “mamlakatim bu qadar shafqatsiz tabiiy ofatni hech qachon ko’rmagan”,- deydi.

“Biz toshqin jabrdiydalariga yordam berish uchun jon-jahdimiz bilan harakat qilayapmiz, lekin ofatni yengish juda qiyin kechmoqda. U hali ham davom etmoqda”,- deydi vazir. “Kuchimiz yetmayapti, bizga yordam bering”,- deya so’ramoqda u.

Pokistonning katta qismida uch haftadirki tinimsiz yomg’ir yog’moqda. Kelasi ikki hafta ham ahvol shu bo’ladi, deydi mutaxassislar.

Toshqinlardan 20 million kishi zarar ko’rgan. BMT ularga qarash uchun kamida yarim milliard dollar kerak deb e’lon qilgan.

Amerika har tomonlama madad ko’rsatishga tayyor, deydi Davlat kotibasi Xillari Klinton. “Qutqaruv ishlarida, tibbiy, texnik, nima kerak bo’lsa yetkazamiz”,- deydi u.

Britaniya 100 million, butun Yevropa Ittifoqi esa 180 million dollarga teng yordam ajratmoqda.

Qo’shni Hindiston esa 5 million dollarlik ko’mak ko’rsatmoqda.

Pokistonning beshdan bir qisimini xonavayron qilgan toshqinlarda bugungacha 1600 ga yaqin odam halok bo’lgan.

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. For the last year, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and The Atlantic. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

XS
SM
MD
LG