Breaking News

Obama Isroil bilan harbiy rishtani mustahkamlovchi hujjatni imzoladi


“Xavfsizlik, razvedka, texnologiya kabi yo’nalishlarda Isroil bilan hamkorlikni mustahkamlash biz uchun muhim".
“Xavfsizlik, razvedka, texnologiya kabi yo’nalishlarda Isroil bilan hamkorlikni mustahkamlash biz uchun muhim".
Prezident Barak Obama bugun Qo’shma Shtatlar va Isroil o’rtasida harbiy va noharbiy rishtalarni mustahkamlovchi qonun loyihasiga imzo chekdi.

Hujjat Isroilga raketa ishlab chiqarish uchun qo’shimcha 70 million dollar uzatishni ko’zda tutadi; Isroil-Falastin ixtilofiga tinch yechim topishni qo’llab-quvvatlaydi.

Amerika uchun Isroil xavfsizligi ustuvor masalalardan, dedi Obama.

“Xavfsizlik, razvedka, texnologiya kabi yo’nalishlarda Isroil bilan hamkorlikni mustahkamlash biz uchun muhim. Ushbu hujjat avvalgi kelishuvlarni yangi bosqichga ko’taradi”, - dedi u.

Kuzgi prezident saylovlarida qayta saylanishdan umidvor Obama shu tariqa raqibi, ertaga Isroilga borishi kutilayotgan Mitt Romniga zarba bermoqda.

Xususan, Obama muhim shtatlarda yahudiy saylovchilar ovozidan umidvor.

Holbuki, Romni Obamaning Isroilga doir siyosatini tanqid qilib, ishonchli ittifoqchini pisand qilmayotganlikda ayblab keladi.

U safari davomida Isroil Bosh vaziri Benyamin Netanyaxu bilan uchrashishi kutilmoqda.

Obama prezident bo’lganidan beri Isroilga bormagan.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG