Breaking News

Prezident Karimov AQSh yetakchi diplomatini qabul qildi


AQSh Davlat kotibining Janubiy va Markaziy Osiyo bo'yicha muovini Robert Bleyk "Amerika Ovozi" bilan suhbatda, Vashington
AQSh Davlat kotibining Janubiy va Markaziy Osiyo bo'yicha muovini Robert Bleyk "Amerika Ovozi" bilan suhbatda, Vashington
AQSh Davlat kotibining Janubiy va Markaziy Osiyo bo'yicha muovini Robert Bleyk bugun Toshkentda O'zbekiston rahbari huzurida bo'ldi.

Rasmiy ma'lumotlarga ko'ra, muloqotda asosan Afg'oniston va mintaqaviy xavfsizlik xususida gap ketgan. Hamkorlikni kengaytirish uchun tomonlar nima kerakligi ustida fikr almashilgan.

O'zbekiston terrorizmga qarshi kurash, chegaralarni mustahkamlash va qoradori savdosiga nisbatan zarur choralar ko'rishda Vashingtondan ko'proq yordam so'ramoqda, xususan harbiy vositalar.

Obama ma'muriyati mart oyida kuzatuvchi apparatlar, uchuvchisiz ishlaydigan robotsimon vositalar uzatishga qaror qilgan edi. Ayni damda vertolyotlar sotish masalasi muhokamada. Kongressning ayrim a'zolari ko'makni oshirish kerak degan fikrda. Masalan, respublikachi Dana Rorabaker yaqinda "Amerika Ovozi" bilan suhbatda bu mavzuga oydinlik kiritib, harbiy sohada birga ishlash har ikki tomon manfaatlari uchun birdek xizmat qiladi, dedi.

Bleyk bugun Toshkentda yuqori lavozimli rasmiylar, jumladan Tashqi ishlar vaziri Abdulaziz Komilov bilan ham uchrashdi. Yillik maslahat kengashini qachon o'tkazish va qay masalalarni ko'rib chiqish xususida kelishib olingan.

Vashington Karimov ma'muriyatini inson huquqlari bilan bog'liq ahvolni yaxshilash yo'lida dadilroq qadam tashlashga undab keladi. Bu safargi muzokaralarda ham shu mavzu ko'tarilgan.

Bleykning safari huquq faollari O'zbekistondan Xalqaro Mehnat Tashkiloti vakillarini respublikaga kiritib, paxta dalalaridagi vaziyatni kuzatishga yo'l oching deya so'rayotgan pallaga to'g'ri kelmoqda. Ayni damda Jenevada BMT Inson huquqlari kengashida ham respublikadagi ahvol muhokamada.

Bleyk Jahon iqtisodiyoti va diplomatiyasi universitetida AQSh-O'zbekiston aloqalari va Vashingtonning mintaqadagi maqsadlari to'g'risida ma'ruza qilgan. Barqarorlik, iqtisodiy va ijtimoiy farovonlik yo'lida hissa qo'shish - Amerikaning ezgu niyati, deya qayd etgan.

Yetakchi diplomat nohukumat tashkilotlar vakillari, fuqaro jamiyati a'zolari va mustaqil faollar bilan qisqa suhbat qurgan. Vashington inson huquqlari va demokratiya targ'ibotini chetga surib qo'ymagan va bu borada harakatlarni davom ettiradi, degan Bleyk.

U kecha Ostonada Qozog'iston hukumati a'zolari bilan muzokaralar olib bordi, so'ngra Nazarboyev Universitetida talabalar oldida so'zladi. Bleyk u yerda ham fuqaro jamiyati a'zolari bilan uchrashdi.

Muzokaralar va davra suhbatlarida diplomat Qozog'istonni Vashingtonning muhim hamkori deb atagan.

Xavfsizlik sohasidan tortib savdo-sotiqqacha, yoshlar bilan ishlash va demokratik taraqqiyot bobida AQSh ko'makni ayamaydi, deydi Bleyk.

Obama ma'muriyati Ostona bilan yadroviy materiallar tarqalmasligiga qarshi yangi bitim imzolagan va bu borada hamkorlikni yanada kengaytirmoqchi. Atom chiqindilarini xavfsizlantirish - dolzarb masala, deydi rasmiylar.

26-aprel kuni Almatida "Osiyo yuragi" nomi ostida katta xalqaro anjuman ochiladi. Unda AQSh Davlat kotibi o'rinbosari Vilyam Berns (William Burns) ishtirok etadi. Bleyk ham unda qatnashadi.

Yig'in asosan Afg'onistonga bag'ishlanadi va o'tgan yili Istanbulda boshlangan mintaqaviy tashabbusning davomi. Unga ko'ra, urushdan charchagan davlat atrofidagi mamlakatlar birgalikda yordamni oshirib, xavfsizlikni ta'minlash va iqtisodiy taraqqiyot yo'lida hamkorlikni kengaytirishi kerak.
  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

XS
SM
MD
LG