Breaking News

Vashington Toshkentdagi elchisini yangilash harakatida


Jorj Krol, elchilikka nomzod, Senat tasdig'idan o'tishi kerak

Amerika yaqin orada Toshkentga yangi vakil yuboradi. Aloqalar yangilanishida muhim rol o’ynagan Richard Norlandning xizmat muddati tugar ekan, o’rniga hozirda Davlat kotibi muovini Robert Bleykning o'ng qo'li Jorj Krol (George Krol) ko’rsatilgan. U butun Markaziy Osiyo bo'yicha mas'ul rasmiy. Nomzod Senat tasdig’idan o’tishi kerak.

Krol avval Belarusda elchilik qilgan, Rossiya, Ukraina, Polsha va Hindistonda diplomatik vazifalarni o’tagan. Rus tilini biladi. AQShning Garvard, Britaniyaning esa Oksford singari nufuzli oliygohlarini bitirgan.

Jorj Krol 1982 yildan beri diplomatiya sohasida ishlaydi. Ikki yil avval Krol Turkmanistonga elchilik qilish uchun ko’rsatilgan, ammo Senat tasdig’idan o’tmagan.

Robert Bleyk, AQSh Davlat kotibi muovini
Robert Bleyk, AQSh Davlat kotibi muovini

“Jorj Krol - usta diplomat. Tasdiqlansa, uning ajoyib elchi bo’lishiga ishonaman”, - deydi Bleyk (Robert Blake), "Amerika Ovozi" bilan suhbatda.

Uning aytishicha AQSh O’zbekiston bilan hamkorlikni mustahkamlashga bel bog’lagan.

7 iyul kuni AQSh Davlat kotibi muovini O'zbekistonning Vashingtondagi elchixonasida o’tgan biznes forumda so’zlab, ishbilarmonlarni sarmoya kiritishga, O’zbekistonni esa bu investitsiya samara berishi uchun sharoit yaratishga chaqirgan.

"Informatsion texnologiya, oziq-ovqat sanoati, energetika kabi sohalarni rivojlantirishda yordam berishni istaymiz va kompaniyalarimizda qiziqish katta”, - deydi u.

Robert Bleyk fikricha AQShning nafaqat O'zbekiston balki mintaqa bo’ylab barcha davlatlar bilan hamkorlikni oshirayotgani to’g’ri qabul qilinishi kerak. Chunki, deydi u, aloqalar yaxshilanishi ijobiy o’zgarishlarga yetaklashi turgan gap. Orada muloqot kechishi, fikr almashilishi zarur, deydi u.

Muzokaralarda huquq va demokratiya masalasi chetda qolmoqda degan iddaolar, uning nazarida, asossiz.

“Fuqaro jamiyati qurish, erkinlikni e’zozlash va tazyiqlarni bas qilishga undash… Biz har bir uchrashuv yoki muloqotda buni e’tibordan chetda qoldirmaymiz”, - deydi Robert Bleyk.

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. For the last year, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and The Atlantic. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

XS
SM
MD
LG