Breaking News

Sherzod Qudratxo'jayev: Biz ham zarba yeganmiz, lekin umidni boy bermadik


Sherzod Qudratxo'jayev, O'zbekiston Markaziy saylov komissiyasi a'zosi, "Amerika Ovozi" bilan suhbatda, Toshkent

Xalqaro hamjamiyat, O’zbekistonning dunyo bo’ylab siyosiy va iqtisodiy hamkorlari va sheriklari, yaqinlashayotgan parlament saylovlari respublikadagi siyosiy islohotlar natijasini ko’rsatadigan jarayon bo’ladi, degan umidda. Ikki muhim omil e’tiborda bo’ladi: mamlakatning siyosiy jihatdan qanchalik o’zgargani va ommaviy axborot vositalari bugun qanchalik erkin va professional ekani.

Sherzod Qudratxo'jayev, Markaziy saylov komissiyasi a’zosi, shuningdek, media arbob – Xalqaro Press Klub raisi hamda Jurnalistika va ommaviy kommunikatsiyalar universiteti rektori.

Sherzod Qudratxo'jayev: Bugun O'zbekistonda muxolif fikrlar bor
Iltimos, kuting...

No media source currently available

0:00 0:23:55 0:00

"Amerika Ovozi" Vashingtondan Toshkent bilan bog'lanib, Qudratxo'jayevni suhbatga tortar ekan, mamlakatning kechagi va bugungi kunini qamrovchi savollarni o'rtaga tashladi:

- Ham jurnalistsiz, ham Markaziy saylov komissiyasi a'zosi. Kim tomondasiz? Betarafman desangiz, ishonish qiyin bo’ladi, ayniqsa xorijlik ekspertlar va kuzatuvchilar manfaatlar to’qnashuvi emasmi deya savolga tutishi aniq.

- Saylovda odamlarni faol bo’lishga chorlab yozgan postlaringizda, masalan, "Facebook"da, madaniyatli bo’laman deb qizg’in bahslardan qochmang, deya undaysiz. Lekin O’zbekistonda OAVda qayerga qaramang, madaniyat va ma’naviyat targ’iboti avjida. O’zbeklik va o’zbekona qadriyat va madaniyat nima ekani haqida va'z o’qiydiganlar talay. Odamlar kimga quloq tutsin? Kimga ergashsin?

- O’zbekistondagi hozirgi dinamikaga qarab, siyosiy jihatdan ancha ibtidoiy muhit bu, deya tahlil qilish to’g’rimi, sizningcha?

- Siz oldingi rahbariyatda ham matbuot va targ’ibot ishlarida jonbozlik ko’rsatgangiz. O’sha jarayonlarda pishgansiz, ko’p jihatdan. Nega sizga yangicha o’ylaydigan, progressiv va aynan saylov komissiyasi faoliyatida va natijalarni hisoblab berishda ishonchli odam deb qarashimiz kerak?

- O’zbekistonda tom ma’noda muxolifat yo’q va butun tuzum real oppozitsiyadan qo’rqadi va unga hech qachon yo’l bermaydi, deganlar ko'p. "Amerika Ovozi" bilan muloqotlarda chet eldagi tan olinmagan muxolifat buni doim eslatadi. Javob bormi bunga Toshkentdan?

Sherzod Qudratxo'jayev Islom Karimov davrida prezident axborot xizmatida ishlagan, shuningdek, hozirgi rahbar Shavkat Mirziyoyev bosh vazirlik paytida uning matbuot kotibi bo'lgan
Sherzod Qudratxo'jayev Islom Karimov davrida prezident axborot xizmatida ishlagan, shuningdek, hozirgi rahbar Shavkat Mirziyoyev bosh vazirlik paytida uning matbuot kotibi bo'lgan

Suhbatda Qudratxo'jayev "oq qarg'a" bo'lgan paytlarini eslab, o'ziga xos murakkab siyosiy jarayonlarda charxlangani va mustaqil fikrlashga uringani uchun jazolangan davrlari bo'lgani xususida to'xtaldi.

Uning tahlilicha, bugungi O'zbekistonda muxolifat bor. Muxolif fikrlar va ovozlar hozirgi siyosiy muhokamalarda tez-tez quloqqa chalinadi va qarorlarga o'z ta'sirini o'tkazmoqda, deb hisoblaydi Qudratxo'jayev.


"Mustaqillikning ilk yillaridagi muxolifat boshqa edi, hozirgi muxolifat boshqa", - deydi u. Odamlar va talablar ham o'zgargan, deya qo'shadi Qudratxo'jayev.

Arbob nazarida, siyosiy oppozitsiya sifatida maydonga chiqayotgan avlod bor va u chet eldan emas, mamlakatning o'zida tabiiy ravishda o'sib kelayotgan toifa.

Qudratxo'jayev - shu paytgacha muxolifat bilan bog'liq savolga efirda to'g'ridan-to'g'ri javob bergan ilk rasmiy.

Oldingi rahbar Islom Karimov davrida tizimda xizmat qilganlarning ham o'z dardi, kechinmalari va zamon xususida qiyosiy tahlillari bor. Ular ham o'zini tushuntirishga haqli. Vijdon, iroda, tamoyil va shartlar haqida gap ketganda, nafaqat erkinlik yo'q deb xorijga ketganlarni yoki hukumatning nafratiga uchrab ezilganlarni, balki ichkaridagi tor siyosiy muhitda ter to'kib, unga bardosh berganlarni ham eshitishimiz kerak. Qudratxo'jayev - ulardan biri. Prezident Karimov axborot xizmatida ishlagan. Hozirgi rahbar Shavkat Mirziyoyev u paytda bosh vazir edi. Qudratxo'jayev uning matbuot kotibi ham bo'lgan.

O'tmish va hozirgi kun haqida "nima uchun" degan savolni berar ekanmiz, Qudratxo'jayev singari yuqori pog'onalarda va rahbarlar yonida faoliyat yuritgan mutaxassis kecha va bugunni oq va qora ranglarda ko'rmaslik kerakligini eslatadi. Asosiy farqlaridan biri, deydi suhbatdosh, hozirgi O'zbekistonda u mahalliy va chet el OAVlari bilan bu va boshqa dolzarb masalalarni bemalol gaplasha oladi.

Intervyuni tomosha qiling:

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. For the last year, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and The Atlantic. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

Shu mavzuda

XS
SM
MD
LG