Koreyada yashayotgan o'zbeklar madaniyatimiz o'xshash, deydi


Koreyada yashayotgan o'zbeklar madaniyatimiz o'xshash, deydi

Janubiy Koreya O’zbekistonning dunyodagi eng yaqin hamkorlaridan hisoblanadi.

Bu davlat prezidenti yaqinda Toshkentda bo’lib, yangi bitimlar imzoladi. Ikki tomonlama hamkorlik tufayli ko’plab o’zbekistonliklar Janubiy Koreyaga borib o’qimoqda, ishlamoqda.

Biz bilan suhbatda bo’lgan yoshlarning aytishicha, ikki mamlakat madaniyati bir-biriga juda o’xshab ketadi.

(Lavhani to'liq holda tinglang)

Marhabo Xidayova turmush o’rtog’ining o’qishi tufayli Janubiy Koreyaga borib qolgan. Fursatdan foydalanib, men ham o’qiyapman, ammo ishlash uchun maxsus hujjat bo’lishi kerak, deydi u.

Bu yerdagi hayotdan mamnunmiz, deydi u. Marhabo va uning oilasi Deyjon shahrida turadi. Uning aytishicha, Janubiy Koreyada o’zbeklar ko’p, ammo aksariyati mamlakatning boshqa burchaklarida yashaydi.

Ilhomjon Qidirov asli angrenlik. Janubiy Koreyaga sakkiz yilcha oldin borib qolgan. Poytaxt Seulda o’qib ishlaydi. Koreys tilida yaxshi so’zlashadi.

Ikki davlat yaqin hamkor bo’lgani bilan, deydi Ilhomjon Qidirov, koreyslar O’zbekiston haqida kam biladi. Matbuotda respublika haqida ma’lumot oz.

Koreyaga borgan o’zbeklar uch toifaga bo’linadi. Talabalar, O’zbekiston Mehnat vazirligi tomonidan ishga yuborilgan xizmatchilar va qora ishchilar, ya’ni gastarbayterlar. O’zaro aloqa har bir toifaning ichida bo’ladi, deydi Qidirov.

Yana bir suhbatdoshim ham Seulda olti yildan beri turadi. Asli andijonlik. O’qishdan so’ng ishga kirgan. Qobiljon Mirzayevning aytishicha, koreys erkaklari xorijda uylanmoqchi bo’lsa, kelin qidirishni O’zbekistondan boshlaydi.

Aksariyat o’zbeklar, Qobiljon Mirzayev nazarida Janubiy Koreyada qolishni istamaydi. Bir oz ishlab, pul topib, O’zbekistondagi oilamni qo’llab-quvvatlasam, deydi ular.

  • 16x9 Image

    Odil Ruzaliev

    Odil O'zbek xizmatiga 2005-yilda kelgan. Diktor va prodyuser. AQShning Tafts Universitetida (Tufts University) xalqaro aloqalar sohasida magistrlik darajasini olgan. Ungacha O'zbekiston TV 1-kanalida ingliz tilidagi yangiliklar – FCN (First Channel News) – ko'rsatuvining muallif-boshlovchisi edi. "Axborot" dasturida mehnat qilgan. Odil ko'p yillar AQShning Toshkentdagi elchixonasi axborot bo'limida ishlagan. O'zbek, ingliz va rus tillarida chop etilgan qator maqolalar muallifi. Farg'ona shahrida tug'ilgan.

    Odil Ruzaliev is a reporter, radio and TV anchor, web editor and producer for Voice of America’s Uzbek Service since 2005. Prior to joining VOA, he worked at the State Radio and TV of Uzbekistan, BBC International’s Central Asia region, and was a regular Contributor for CNN World Report. He has also worked as an Information Assistant at the US Embassy in Tashkent, Uzbekistan. He was the creator and host of the TV program First Channel News, Uzbekistan’s first English language news broadcast. In his spare time he is a freelance photographer. A native of Ferghana Valley, Uzbekistan, Odil graduated from the Uzbekistan State World Languages University. In addition, he was an exchange student at Pace University in New York City and holds a master’s degree in international affairs from the Fletcher School of Law and Diplomacy at Tufts University in Medford, Massachusetts.

XS
SM
MD
LG