Breaking News

Telereportaj: O'zbeklar Texasda. Ikkinchi qism


Texasda o'zbek oilalari. Kollej Steyshn, 2012-yil sentabri.
"Amerika Ovozi" Texasda yashovchi o'zbeklar haqida turkum lavhalarini yaratishda davom etmoqda. Shtatning Xyuston shahri va atrofida 50 dan ziyod o'zbeklar yashaydi. Ular orasida talabalar, olimlar, sportchilar, turli kasb egalarini uchratish mumkin.

O'zbek oilalari o'zga yurtda o'z tili, madaniyati, urf-odatlarini saqlab qolishga harakat qilmoqda. "Amerika Ovozi" ana shunday oilalarning ikkitasi bilan suhbatda bo'ldi. Biri Kollej Steyshnda yashaydi.

Xonadon boshi Ahdiyor Sattorov fizika-matematika fanlari nomzodi. Amerikaga 1998-yilda kelgan. Texas A&M universitetida ilmiy xodim bo'lib ishlaydi.

Sattorovlar oilasi 14 yildan beri Amerikada yashayotganiga qaramay, o'zbek urf-odatlari, tarbiyaga e'tibor kuchli. Oila bekasi Gulchehra Sattorova uch farzandni ana shunday ruhda tarbiyalamoqda.

"Amerika Ovozi" Xyustonda Furqatbek Yakvalhojiyev xonadonida ham bo'ldi. Bu oila Xyustonga yaqinda Filadelfiyadan ko'chib bordi. Furqatbek Yakvalhojiyev bir paytlar "Ozodlik" radiosining Toshkentdagi bo'limini boshqargan. Besh yil avval bu mamlakatga uch farzandi bilan endigina kelganida "Amerika Ovozi" bu oila haqida reportaj tayyorlagan edi.

So'nggi besh yilda xonadon a'zolari hayotida katta o'zgarishlar ro'y berdi. Ikki o'g'il oliy ma'lumotli bo'ldi. Biri uylanib, qiz ko'rdi. Oilaning kenjasi esa o'rta maktabni a'lo baholarga tamomlash arafasida, bir necha universitetdan bepul o'qishga taklif tushgan.

Furqatbek Yakvalhojiyevning aytishicha, Amerikada yashashni istagan har bir odamda bu yerga kelishdan oldin aniq maqsad bo'lishi kerak. Aks holda, Amerikaga kelishdan foyda yo'q, umr zoye ketadi, deydi u.

"Amerika Ovozi"ning bu ikki oila haqidagi lavhasini quyidagi video orqali to'liq namoyish etish mumkin.

  • 16x9 Image

    Odil Ruzaliev

    Odil O'zbek xizmatiga 2005-yilda kelgan. Diktor va prodyuser. AQShning Tafts Universitetida (Tufts University) xalqaro aloqalar sohasida magistrlik darajasini olgan. Ungacha O'zbekiston TV 1-kanalida ingliz tilidagi yangiliklar – FCN (First Channel News) – ko'rsatuvining muallif-boshlovchisi edi. "Axborot" dasturida mehnat qilgan. Odil ko'p yillar AQShning Toshkentdagi elchixonasi axborot bo'limida ishlagan. O'zbek, ingliz va rus tillarida chop etilgan qator maqolalar muallifi. Farg'ona shahrida tug'ilgan.

    Odil Ruzaliev is a reporter, radio and TV anchor, web editor and producer for Voice of America’s Uzbek Service since 2005. Prior to joining VOA, he worked at the State Radio and TV of Uzbekistan, BBC International’s Central Asia region, and was a regular Contributor for CNN World Report. He has also worked as an Information Assistant at the US Embassy in Tashkent, Uzbekistan. He was the creator and host of the TV program First Channel News, Uzbekistan’s first English language news broadcast. In his spare time he is a freelance photographer. A native of Ferghana Valley, Uzbekistan, Odil graduated from the Uzbekistan State World Languages University. In addition, he was an exchange student at Pace University in New York City and holds a master’s degree in international affairs from the Fletcher School of Law and Diplomacy at Tufts University in Medford, Massachusetts.

XS
SM
MD
LG