Breaking News

Tramp Xuan Guaydoning rafiqasini Oq uyda qarshiladi


Venesuela muvaqqat prezidenti Xuan Guaydoning rafiqasi Fabiana Rozales

AQSh Prezidenti Donald Trampning aytishicha, Rossiya Venesueladan harbiylarini zudlik bilan chiqarishi kerak. Tramp Venesuela muxolifati yetakchisi, o’zini muvaqqat prezident deb e’lon qilgan Xuan Guaydoning rafiqasi Fabiana Rozalesni Oq uyda qabul qildi.

O’tgan hafta oxirida Rossiyaga qarashli ikkita harbiy yuk samolyotida Karakasga 100 ga yaqin harbiy va Mudofaa vazirligi rasmiysi yetkazildi.

Qo’shma Shtatlar va yana o’nlab boshqa mamlakat Guaydoni muvaqqat rahbar deb tan olgan, saylangan Prezident Nikolas Maduroni esa iste’fo berishga chaqirmoqda.

Rossiya esa Maduroni qo’llab-quvvatlamoqda. Tramp Maduro hukumatini Venesuelaga gumanitar yordam kirishiga to’sqinlik qilayotganlikda aybladi, Rossiya bu mamlakatdan chiqishi kerak, dedi.

“Chegara tomon yuz millionlab dollarga teng yordam yuborganmiz. Maduro uni qabul qilmayapti. Undan ko’ra xalqining och qolishini xohlayapti, shekilli. Bu na siyosiy tomondan, na diktator dunyoqarashi tomonidan to’g’ri ish”, - dedi Tramp.

Guaydoning rafiqasi Rozalesning aytishicha, Venesuelada shu kunlarda elektr quvvati va dori-darmonlar yo’qligi tufayli kasalxonalarda bolalar jon bermoqda, ochlikdan qiynalmoqda.

Guaydo tarafdorlarini shu shanba namoyishga chiqishga da’vat etdi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG