Breaking News

Prezidentlikka da'vo qilayotgan Kanye Vest ilk saylovoldi videosini chiqardi


Kanye Vest va rafiqasi Kim Kardashyan

AQShda prezident saylovlari yaqinlashar ekan, poygaga iyul oyida mustaqil nomzod sifatida qo’shilgan taniqli repchi Kanye Vest birinchi saylovoldi videosini chiqardi.

Xalqaro hayot – 13-oktabr, 2020-yil
Iltimos, kuting...

No media source currently available

0:00 0:08:24 0:00

Vest moda va media yulduzi Kim Kardashyanning turmush o’rtog’i bo’lib, u o’z saylov kampaniyasida, asosan, diniy mavzuga urg’u bermoqda.

Musiqachi bugungi videosida amerikaliklarni xudoga qaytishga chaqiradi. Uning internetdagi saylov sahifasida 10 punktdan iborat dasturi chop etilgan. Vest politsiya va adliya tizimini isloh qilishni, talabalar qarzini qisqartirishni, atrof-muhit muhofazasiga e’tiborni kuchaytirishni taklif qiladi.

Vest barcha shtatlarda o’z nomzodini saylov byulleteniga tushirishga muvaffaq bo’la olmadi. Shu sabab, u tarafdorlarini ovoz berayotganda byulletenga ismini qalam bilan yozib tushirishga chaqirmoqda.

O’tgan saylovda Trampni qo’llab-quvvatlagan Vest, kuzatuvchilar nazarida, demokratlardan nomzod Jo Baydendan ovozlarni olib qo’yishni ko’zlamoqda. Odatda demokratlarga ovoz beruvchi qora tanlilarning bir qismi irqdoshi Vestni qo’llab-quvvatlasa, bundan faqat Bayden zarar ko’radi.

Moda dizayni va prodyuserlik bilan ham shug’ullanuvchi musiqachining shaxsiy mulki bir milliard dollardan ko’p ekani aytiladi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG