Breaking News

Oq uy: Isroil o'zini mudofaa qilishga haqli


Suriyaning Isroil samolyotini urib tushirgan raketasi qoldig'i, Aloney Abba, Isroil, 10-fevral, 2018-yil

Oq uy matbuot kotibining bayonot qilishicha, Isroil AQShning eng yaqin ittifoqchisi bo'lib, Qo'shma Shtatlar uning Suriyada Eron tomonidan dastaklanayotgan kuchlardan o'zini mudofaa qilish huquqini qo'llab-quvvatlaydi.

10-fevral kuni Isroil Suriyada Suriya va Eronning o'ndan ziyod obyektlarini havodan nishonga oldi. Isroil Suriyadan uchirilib, Isroil hududiga kirishga ulgurgan Eronga qarashli dronni urib tushirgan.

Oq uy Eron va uning ittifoqchilarini provokatsion harakatlarni bas qilib, mintaqa tinchligi yo'lida hamkorlik qilishga chaqirdi.

Isroil Bosh vaziri Benyamin Netanyaxuning Vazirlar mahkamasi yig'ilishida aytishicha, Isroilga qarshi qo'l ko'targan har qanday kuch nishonga olinadi.

BMT bosh kotibining idorasi ham bayonot chiqarib, Suriya va mintaqadagi barcha taraflarni xalqaro qonunlar va Xavfsizlik Kengashining tegishli rezolyutsiyalarini hurmat qilishga da'vat etdi.

AQSh Mudofaa vazirligiga ko'ra, Isroil har qanday bosqinchi harakatlardan o'zini himoya qilishga haqli.

"Isroil bizning mintaqadagi eng yaqin hamkorimiz bo'lib, o'z hududi va xalqini har qanday tahdiddan mudofaa qilish huquqini to'liq qo'llab-quvvatlaymiz", - dedi Pentagon matbuot kotibi Adrian Renkin-Gellovey.

Netanyaxu vaziyatni Rossiya Prezidenti Vladimir Putin bilan ham muhokama qilgan.

"Ikki mamlakat armiyalari harakatlarini muvofiqlashtirishdagi hamkorligimizni davom ettirishga kelishib oldik", - dedi Netanyaxu.

Isroil bosh vaziri AQSh Davlat kotibi Reks Tillerson bilan ham fikr almashgan.

Suriya davlat matbuotiga ko'ra, mamlakat mudofaa kuchlari Isroil agressiyasiga javob bergan. 10-fevral kuni Isroil havo hujumida qatnashgan qiruvchi samolyotlaridan bittasi, AQShda ishlangan F-16 Suriya armiyasi tomonidan urib tushirilgan. Samolyot Isroilda qulagan, uchuvchilar parashyut bilan sakrashga ulgurgan, biri jiddiy, ikkinchisi yengil jarohat olgan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG