Breaking News
Din

Qaramayda ayrim musulmonlarning avtobusga chiqishi man etildi


Qashqarlik uyg'ur odam
Qashqarlik uyg'ur odam

Xitoy g’arbidagi Shinjon viloyatining Qaramay shahrida uzun soqol qo’ygan, hijob va niqob kiygan, islom dinini anglatuvchi yulduz va yarim oy tasvirlangan taqinchoq taqqan odamlarning bundan keyin avtobusga chiqishi man etiladi.

Shaharda e’lon qilingan yangi tartib ijrosini maxsus guruhlar nazorat qiladi. Qoidani buzganlar politsiyaga topshiriladi. Mahalliy matbuotga ko’ra, chora shaharda 20-avgustgacha bo’ladigan sport musobaqasi paytida xavfsizlikni ta’minlashga qaratilgan.

Mahalliy uyg’ur aholisi yangi qoidadan norozi. Jahon uyg’urlari kongressi va Uyg’ur-Amerika uyushmasi kabi xorijdagi uyg’ur tashkilotlari bu chorani qoralab, shaharda vaziyatning taranglashishiga olib kelishini aytadi.

O’tgan dushanba Yorkent tumanida zo’ravonliklar kuzatilib, salkam 100 kishi o’lgan. Xavfsizlik kuchlari to’polonda uyg’urlarni ayblab, 59 nafarini otib o’ldirgan, 215 kishi hibsga olingan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG