Breaking News

Yusuf Juma: "Rejimga qarshi kurashni davom ettiraman"


Yusuf Juma o'g'li Javhar bilan (qamoqdan oldingi surat)



2008-yilda O'zbekistonda besh yilga qamalgan isyonkor shoir Yusuf Juma o'tgan hafta qamoqdan ozod etilib, AQShga keldi. Siyosiy boshpana olib Amerikaning Luisvill shahrida yashab kelayotgan oilasiga qo'shildi.

Yusuf Juma qamoqdan ozod etildiyu, O'zbekistondan badarg'a qilindi. Qo'liga ikki haftagacha amal qiladigan pasport berilib, undan O'zbekiston fuqaroligidan voz kechishi haqida tilxat olindi. Qizi Feruza va nabirasi ham shu tariqa vatan bilan vidolashdi.

Mamlakatning eng dahshatli Jasliq turmasida salkam uch yil azob chekkan shoir ozodligining bahosi shu bo'ldi. Sanjar Umarov, Mo'tabar Tojiboyeva kabi faollarning ozod etilishida bevosita yordam bergan Qo'shma Shtatlar bu safar ham diplomatik ta'sirini ishga solib, besh yilga qamalgan, ammo norasman o'limga mahkum etilgan shoir jonini saqlab qoldi.

"Meni har kuni kaltaklashar, o'lasan deb do'q-po'pisa qilishar edi", - deydi u.

Yusuf Juma davlat xizmatchisiga qarshilik ko'rsatish va militsiya xodimlariga tan jarohati yetkazish aybi bilan qamalgan edi. Uni yaxshi bilgan faollarning aytishicha esa, shoir O'zbekistondagi tuzum va prezident Islom Karimovga qarshi tanqidiy qarashlari uchun jazolangan. Yusuf Juma unga qo'yilgan ayblovlarni soxta deydi.

"Menga qo'yilgan ayblovni hech kim eslamasdi ham. Prezident, bosh vazir va bosh prokuror seni o'ldirishga buyruq bergan deb, qiynashardi. Amerikaga ishonganingdan foyda yo'q, baribir o'lasan, deyishardi".

Shoirning aytishicha, u qiynoqlar ostida sinmadi, aksincha toblandi.

"G'azabimga g'azab, kuchimga kuch qo'shilardi. Tuzumga qarshi she'rlarim qiynoqlarga nisbatan javobim edi", - deydi Yusuf Juma.

Yusuf Jumaning ozodlikka chiqishi u haqda ko'p bong urgan, bu ishga oz bo'lsa-da hissasini qo'shgan inson huquqlari faollari va muxolifat tomonidan ijobiy kutib olindi.

Ammo, deydi Mo'tabar Tojiboyeva, O'zbekistonda siyosiy mahbuslar hali ko'p.

"Hukumat ularni bittadan ozodlikka chiqarib, Yevropa Ittifoqi va AQShga xo'rak tashlayotganday bo'ladi. Bundan xursand bo'lgan G'arb esa Karimov tuzumi bilan hamkorlikni kuchaytirmoqda".

Yusuf Juma adolatsizlikka, Karimov tuzumiga qarshi kurashimni davom ettiraman, deydi. Biroq shoirning kurash uslubi bugungi muxolifat tanlagan yo'ldan farq qiladi.

  • 16x9 Image

    Odil Ruzaliev

    Odil O'zbek xizmatiga 2005-yilda kelgan. Diktor va prodyuser. AQShning Tafts Universitetida (Tufts University) xalqaro aloqalar sohasida magistrlik darajasini olgan. Ungacha O'zbekiston TV 1-kanalida ingliz tilidagi yangiliklar – FCN (First Channel News) – ko'rsatuvining muallif-boshlovchisi edi. "Axborot" dasturida mehnat qilgan. Odil ko'p yillar AQShning Toshkentdagi elchixonasi axborot bo'limida ishlagan. O'zbek, ingliz va rus tillarida chop etilgan qator maqolalar muallifi. Farg'ona shahrida tug'ilgan.

    Odil Ruzaliev is a reporter, radio and TV anchor, web editor and producer for Voice of America’s Uzbek Service since 2005. Prior to joining VOA, he worked at the State Radio and TV of Uzbekistan, BBC International’s Central Asia region, and was a regular Contributor for CNN World Report. He has also worked as an Information Assistant at the US Embassy in Tashkent, Uzbekistan. He was the creator and host of the TV program First Channel News, Uzbekistan’s first English language news broadcast. In his spare time he is a freelance photographer. A native of Ferghana Valley, Uzbekistan, Odil graduated from the Uzbekistan State World Languages University. In addition, he was an exchange student at Pace University in New York City and holds a master’s degree in international affairs from the Fletcher School of Law and Diplomacy at Tufts University in Medford, Massachusetts.

XS
SM
MD
LG