Pokiston prezidenti Osif Ali Zardariy bugun Hindistonda Bosh vaziri Manmoxan Singx bilan gaplashgan. 2005-yildan beri Pokiston rahbarining qo’shni davlatga birinchi tashrifi.
Bir kunlik tashrifi chog'ida Zardariy muhim masalalarni muhokama qildik, Manmoxan Singxni ham tez orada Pokistonda kutamiz, dedi. Hindiston bosh vaziri nazarida ikki davlat taranglikni tinch yo’l bilan hal qilmog’i lozim.
2008-yilda pokistonlik 10 fuqaro Mumbay shahrini titratib, 166 kishini o’ldirganidan beri ora sovuq. Yadro quroliga ega ikki qo’shni murosa izlab keladi. Rasmiy Dehli xavfsizlik bilan bog’liq ahvoldan norozi bo’lib, Pokistondan terrorchi guruhlarga qarshi kurashda jonbozlik ko’rsatishni talab qiladi.
Mumbaydagi fojea, Dehli nazarida Pokistonda asoslangan Lashkari Toiba jangari guruhining ishi.