Texas shtatida 14 yoshli Ahmad Muhammad o'zi yasagan soatni maktabga olib kelganida hibsga olingan. Elektronikaga qiziqadigan bolaning ixtirosi o'qituvchisiga bombani eslatgan.
O'quvchiga biror jinoiy ayb qo'yilmagan, lekin uch kun darsga qo'yilmagan.
Voqea Irving shahrida yuz bergan. Hammasi soatning ovozi uyg'otgan xavotirdan boshlangan, deya yoritadi Dallas Morning News nomli mahalliy gazeta.
Muhammad maktab rahbariyati tomonidan so'roq qilingan, keyin esa politsiya kelib qo'lini kishanlagan.
Politsiyaning bildirishicha, soat xavfsiz edi lekin u sabab maktabda vahima ko'tarilgan. Portlovchi modda bo'lishi mumkin, deya o'qituvchi va o'quvchilar qo'rquvga tushgan.
Maktabdagi tartib shuki, deya qayd etadi rahbariyat, biror shubhali narsa sezilsa, darrov xabar berilishi shart.
Ahmad Muhammad sudanlik muhojirlar farzandi. Voqea ijtimoiy tarmoqlarda keng muhokamada. Prezident Barak Obama va sobiq Davlat kotibasi, prezidentlikka nomzod Hillari Klinton o'quvchini quvvatlab chiqqan. Amerika uningdek kashfiyotchilar sabab buyuk, deydi Obama. Bolakay Oq uyga taklif etilgan.
Cool clock, Ahmed. Want to bring it to the White House? We should inspire more kids like you to like science. It%27s what makes America great.
— President Obama (@POTUS) September 16, 2015Assumptions and fear don%27t keep us safe—they hold us back. Ahmed, stay curious and keep building. https://t.co/ywrlHUw3g1
— Hillary Clinton (@HillaryClinton) September 16, 2015